ភ្នំពេញ៖ វីរបុរសល្បីល្បាញរបស់ក្រុមកាំភ្លើងធំ Arsenal លោក Gilberto Sivla នឹងធើ្វដំណើរមកកាន់ស្រុកខ្មែរ នាដើមខែកញ្ញា ខាងមុខនេះ ក្នុងគោលបំណងចុះកិច្ចព្រមព្រៀងក្លាយជាដៃគូផ្លូវការ ក្រុមហ៊ុនស្រាបៀរ GANZBERG ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សGilberto Silva ត្រូវបានគេស្គាល់ថា ជាកីឡាករដែលមានជំនាញពិសេស ពោលគឺអាចលេងបាន២តំបន់ គឺខែ្សការពារ និងខែ្សបម្រើ ហើយរូបគេក៏បានក្លាយជាមនុស្សដ៏សំខាន់ក្នុងការជួយក្រុមជម្រើសជាតិប្រេស៊ីល ឲ្យលើកពានរង្វាន់ពិភពលោក កាលពីឆ្នាំ២០០២ ផងដែរ។
អ្វីដែលកាន់តែធើ្វឲ្យរូបគេត្រូវបានមនុស្សជាច្រើននៅលើពិភពលោកស្គាល់នោះ គឺ Gilberto Sivla បានក្លាយជាសមាជិកម្នាក់ដែលបានបង្កើតប្រវត្ដិសាស្រ្ដឲ្យក្រុមកាំភ្លើងធំ Arsenal ដោយជួយក្រុមលើកពានរង្វាន់មាសផងដែរ ។
តាមរយៈកិច្ចព្រមព្រៀងនេះ នឹងរៀបចំឡើងក្នុងព្រឹត្តិការណ៍ដ៏ធំសម្បើមនៅសណ្ឋាគារសុខាភ្នំពេញ នៅថ្ងៃទី ៧ កញ្ញា ២០១៩ ដែលក៏មានការចូលរួមពីសំណាក់តំណាងក្លឹបបាល់ទាត់កាំភ្លើងធំ Arsenal ជាពិសេសវត្តមានកំពូលវីរបុរសបាល់ទាត់ លោក Gilberto Silva និងក្រុមហ៊ុនស្រាបៀរ GANZBERG ។ ជាងនេះទៅទៀតកិច្ចព្រមព្រៀងផ្លូវការនេះ នឹងចូលរួមចំណែកលើកស្ទួយវិស័យកីឡាបាល់ទាត់នៅប្រទេសខ្មែរផងដែរ៕