ខួបកំណើតឆ្នាំនេះ សុខ សោម៉ាវត្តី ធ្វើជាមួយកូនស្រីសំណព្វចិត្ត យ៉ាងសាមញ្ញ តែមានក្ដីសុខខ្លាំងណាស់

ភ្នំពេញ៖ ទោះជាមានឈ្មោះជា អ្នកម្ដាយកូនមួយ រួចមកហើយ តែសន្ទុះនៃការគាំទ្ររបស់ តារាសម្ដែងមុខស្រស់​ សុខ សោម៉ាវត្តី ហាក់ដូចជាមិនធ្លាក់ចុះនោះទេ ថែមទាំងកាន់តែ ក្ដោបក្ដាប់បានការងារសិល្បៈ ជាច្រើនទៀតផង។

ប៉ុន្តែ យ៉ាងណាក៏ដោយ វត្តី នៅតែមិនភ្លេច ដើរតួនាទីជា អ្នកម្ដាយដ៏ល្អ មើលថែកូនស្រីសំណព្វចិត្តតែមួយ ធំធាត់បានយ៉ាងស្រស់ស្អាត គួរឲ្យស្រលាញ់ មានមុខមាត់មិនចាញ់ នាងប៉ុន្មានឡើយ។

យ៉ាងណាមិញ កាលពីពេលថ្មីៗនេះ សុខ សោម៉ាវត្តី បានបង្ហោះរូបភាព ជាច្រើនសន្លឹកជាមួយកូនស្រី ដែលបានSurprise ខួបកំណើតឈានចូលវ័យ ៣១ឆ្នាំឲ្យនាង យ៉ាងសាមញ្ញនៅផ្ទះ តែមើលទៅពោរពេញដោយ ស្នាមញញឹមស្រស់បំព្រង បង្ហាញពីក្ដីសុខខ្លាំងណាស់។

ដោយឡែក អាយុកាន់តែ ទៅមុខមួយឆ្នាំទៀតហើយ តែសម្រស់របស់សុខ សោម៉ាវត្តី កាន់តែលេចធ្លោ ក្មេងជាងវ័យដដែល ធ្វើឲ្យប្រិយមិត្ត រាល់គ្នាមិនសរសើរ មិនបាននោះទេ ៕

ចង់ជ្រាបច្បាស់ ទស្សនារូបភាពខាងក្រោម៖