ភ្នំពេញ៖ ការប្រលងថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ ឬហៅថាប្រលង«បាក់ឌុប» បានបញ្ចប់ទៅដោយរលូន ដែលមានបណ្តាអ្នកចូលរួមប្រលងរាប់ម៉ឺននាក់នៅក្នុងឆ្នាំ២០១៩នេះ ក្រោមការរឹតបន្តឹងកាន់តែខ្លាំងឡើងពីមួយឆ្នាំទៅមួយឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងនៅក្នុងថ្ងៃដំបូងនៃការប្រលង ខ្មែរឡូត បានធ្វើការចុះទៅថតយកទិដ្ឋភាពដោយផ្ទាល់ ដែលម្តាយឪពុកជាច្រើនបាននាំគ្នាទៅមើលកូនៗរបស់ខ្លួន ផ្តល់កម្លាំងចិត្តដល់ពួកគេ ដោយមិនខ្លាចនឿយហត់ ជាមួយនឹងអារម្មណ៍សប្បាយ និងរីករាយភ័យផង ជំនួសកូនៗតែម្តង។
ពេលវេលាដ៏មានតម្លៃនេះ បានធ្វើឲ្យអ្នកទស្សនា ពិតជាពេញចិត្តចំពោះទំហំនៃក្តីស្រលាញ់ ដែលម្តាយឪពុកមានចំពោះកូនៗ បានបង្ហាញឲ្យឃើញកាន់តែច្បាស់ថាការមើលថែកូនប៉ុណ្ណោះ។ ដោយក្នុងនោះម្តាយឪពុករបស់បេក្ខជនទាំងនោះ បានឈរចាំមើលកូនដោយទឹកមុខរីករាយពេលចេញពីប្រឡង ដែលបានផ្តល់នូវម្ហូបអាហារ រៀបចំជាស្រេចសម្រាប់ពួកគេនៅក្នុងថ្ងៃនេះ។
ទឹកចិត្តម្តាយឪពុក ដែលបានបង្ហាញក្នុងថ្ងៃនេះ ពិតជារំភើប រីឯអ្នកទស្សនាសឹងតែទប់អារម្មណ៍ពុំជាប់នោះទេសម្រាប់ ការបង្ហាញការស្រលាញ់បែបនេះ៕
សូមទស្សនារូបភាពខាងក្រោមនេះ៖