ហេតុតែរាងស្អាត បេប៊ី ពូកែរកនឹកម៉ូតសម្លៀកបំពាក់ប្លែកៗបានស័ក្តិសម ស្អាតមិនចាញ់តារាបរទេសទេ!

ភ្នំពេញ៖ កញ្ញា បេប៊ី​ ដែលជាតារាចម្រៀងស្រី និងជាពិធីការិនី ដ៏ពេញនិយមមួយរូបសម្រាប់ទស្សនិកជនរាល់គ្នា ហាក់ដូចជាលេចមុខក្នុងកម្មវិធីធំៗជាប្រចាំ ជាពិសេស មានជីវភាពហ៊ឺហាគួរឲ្យកត់សម្គាល់ផងដែរ។

ក្រៅពីសមត្ថភាពសិល្បៈ ដ៏សម្បូរបែប អាចច្រៀងរាំ បានយ៉ាងល្អហើយនោះ បេប៊ី ត្រូវបានគេចាត់ទុកជាតារាស្រីមួយរូប ដែលមានសម្រស់ស្រស់ស្អាតពីធម្មជាតិ មិនមានកែកុនមុខមាត់ខ្លាំង ថែមទាំងពូកែរើសម៉ូតសម្លៀកបំពាក់ ឲ្យបានប្លែកភ្នែក មិនចាញ់តារាបរទេសប៉ុន្មាននោះទេ។

ជាក់ស្ដែង យោងទៅតាមរូបភាពជាច្រើនសន្លឹកដែល បេប៊ី បានបង្ហោះក្នុងបណ្ដាញសង្គម ភាគច្រើនឃើញថា នាងនិយមការផាត់មុខបែបឃ្យូតៗ អមមកជាមួយការជ្រើសរើស ខោអាវម៉ូតប្លែកៗពីគេ បង្កប់ដោយភាពស៊ិចស៊ីទាក់ភ្នែក ជាពិសេស ពេលឡើងឆាកម្ដងៗ តែងតែមានស្ទីលថ្មីៗ សម្រាប់ទស្សនិកជនជានិច្ច។  

បន្ថែមពីនេះផងដែរ មហាជនរាល់គ្នា តែងលួចសរសើរដល់តារាស្រីសម្បុរស្រអែមស្រស់រូបនេះគ្រប់គ្នា ដែលមានស្ទាយ៍តុបតែងខ្លួន ត្រូវចិត្តមិត្តៗយុវវ័យតែម្តង៕

ចង់ជ្រាបច្បាស់ ទស្សនារូបភាពខាងក្រោម៖