អ្នកម្ដាយណាមិនសប្បាយចិត្ត! ពេលកូនស្រី គង់ សុជាតិ ជាប់ឈ្មោះទៅប្រកួតប្រជែង ដល់ក្រៅប្រទេសបែបនេះ

អូស្រ្ដាលី៖ អ្នកនាង គង់ សុជាតិ ដែលជាពិធីការិនី ​ដ៏មានប្រជាប្រិយភាព ប្រចាំប្រទេសកម្ពុជា តែងតែលេចវត្តមាន ក្នុងកម្មវិធីធំៗជាប្រចាំ  ថែមទាំងត្រូវបានគេចាត់ទុកជា អ្នកសិល្បៈដ៏ឆ្នើមមួយរូបផងដែរ។

យ៉ាងណាមិញ បើទោះជា មានភាពមមាញឹកជាមួយ ការងារសិល្បៈបែបណាក្ដីក៏ គង់ សុជាតិ មិនភ្លេចបំពេញតួនាទី ជាភរិយា និងម្ដាយដ៏ល្អនោះទេ។ បើក្រឡេកទៅមើល កូនស្រីរបស់នាងវិញ គឺទទួលបានការមើលថែ និងការអប់រំយ៉ាងល្អ រហូតទទួលបាន ពានរង្វាន់ពីការប្រកួតប្រជែងក្នុងកម្មវិធីជាច្រើនទៀតផង។

ជាក់ស្ដែង កាលពីប៉ុន្មានម៉ោងមុននេះ បានបែកធ្លាយនូវ រូបថតជាច្រើនសន្លឹក រវាង គង់ សុជាតិ និងកូនស្រី លើទឹកដីអូស្រ្ដាលីឯណោះ។ ការធ្វើដំណើរទៅដល់ ទឹកដីប្រទេសក្រៅលើកនេះ មានលក្ខណៈពិសេសត្រង់ថា គង់ សុជាតិ គឺទៅលើកទឹកចិត្ត កូនស្រីសំណព្វចិត្ត ចូលរួមការប្រឡងប្រជែងក្នុងកម្មវិធី អន្តរជាតិដ៏ធំមួយ មានឈ្មោះថា« World’s Scholar’s Cup» ។

ក្នុងពេលនោះដែរ គេឃើញថា ពិធីការិនីរូបនេះ ប្រកបដោយស្នាមញញឹម យ៉ាងស្រស់បំព្រងតែម្ដងដែលឃើញកូនស្រីពោរពេញ ដោយសមត្ថភាពរហូត អាចមកប្រឡងដល់ ប្រទេសក្រៅបែបនេះ៕