ចឹងតើ! បាន Poh ចេះតែបារម្ភ បើភរិយាកាន់តែស្អាត ពីមួយថ្ងៃទៅមួយថ្ងៃបែបនេះ!

ថៃ៖ អាយុគ្រាន់តែជាតួរលេខប៉ុណ្ណោះសម្រាប់ពិធីការនី Aey Pornthip ភរិយារូបស្រស់របស់តារាសម្តែងជើងចាស់លោក Poh Natthawut ព្រោះឃើញថា​ Aey កាន់ស្រស់ស្អាតខ្លាំងជាមុន បើទោះបីជាពេលនេះ នាងមានអាយុ៣៩ឆ្នាំក្តី។

ជាទូទៅ Aey តែងតែបង្ហោះរូបស្អាតៗជាច្រើនសន្លឹក នៅក្នុងគណនីអ៊ីនស្តាក្រាមផ្ទាល់ខ្លួន។ ជាមួយគ្នានេះ មានអ្នកគាំទ្រជាច្រើន ចូលទៅបញ្ចេញមតិ (Comment) សរសើរមិនដាច់ពីមាត់ និងចង់ដឹងពីវិធីថែសម្រស់របស់នាងគ្រប់ៗគ្នាទៀតផង។

យ៉ាងណាមិញ បើក្រឡេកមកមើលលោក Poh វិញ ខណៈពេលដែលអ្នកគាំទ្រកំពុងតែឈ្លក់វង្វេងនឹងភាពស្រស់ស្អាតរបស់ភរិយា តែលោកបែរជាមានកូនចិត្តលួចបារម្ភទៅវិញ។ ទៀតសោតកាលពីមួយរយៈមុន លោក Poh ថែមទាំងនិយាយនៅចំពោះមុខអ្នកកាសែតថា លោកចាប់ផ្តើមលួចបារម្ភពីភរិយា ព្រោះនាងកាន់តែស្អាតពីមួយថ្ងៃទៅមួយថ្ងៃ។

ដោយឡែក Aey ក៏ធ្លាប់ផ្តល់បទសម្ភាសន៍ម្តងរួចមកហើយដែរថា នៅពេលដែលឃើញ Poh បារម្ភបែបនេះ នាងកាន់តែសប្បាយចិត្ត ព្រោះបញ្ជាក់ឲ្យឃើញច្បាស់ថា លោកកាន់តែស្រលាញ់ និងខ្វល់ខ្វាយពីនាងខ្លាំងជាងមុន៕

សូមទស្សនារូបភាពខាងក្រោម៖