ភ្នំពេញ៖ ប្រិយមិត្តទស្សនិកជនភាគច្រើនប្រាកដជាស្គាល់ នូវតារាចម្រៀងOriginal Song ស្រីរូបស្រស់កញ្ញា ឡូរ៉ា ម៉ម (Laura Mam) ដែលក្រោយពីស្ងប់ស្ងាត់បាត់មុខមួយរយៈពេលមក ទីបំផុតនារសៀលថ្ងៃទី ៨ ខែសីហា នេះ នាងក៏បានវិលត្រឡប់មកពញ្ញាក់អារម្មណ៍ប្រិយមិត្តគាំទ្រជាថ្មី ជាមួយនឹងការចេញនូវបទថ្មី និងមានអមមកជាមួយនឹង MVថ្មី គួរឲ្យទាក់ទាញប្លែកភ្នែកផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ តារាចម្រៀងស្រី ឡូរ៉ា ម៉ម បានបញ្ចេញនូវបទចម្រៀងថ្មីរបស់ខ្លួន ដែលច្រៀងរួមគ្នា ជាមួយនឹងលោក អូន (Oun) ចំណងជើងថា «Coming Home»។ តួយ៉ាង នៅក្នុងបទចម្រៀងមួយបទនេះផងដែរ អ្នកទាំងពីរក៏បានរួមសម្តែងជាមួយនឹងគ្នាផងដែរ ហើយក្នុងនោះយើងក៏បានចាប់អារម្មណ៍ថា បទចម្រៀងមួយនេះ មិនត្រឹមតែថតនៅក្នុងប្រទេសកម្ពុជាតែប៉ុណ្ណោះនោះទេ ប៉ុន្តែថែមទាំងបានទៅថតផ្តិតរូបភាព ដល់ប្រទេសកូរ៉េខាងត្បូងថែមទៀតផង។
ជាក់ស្តែង ក្រោយពីបានទស្សនាMV បទ «Coming Home» នេះហើយ អាចនិយាយបានថា ទាំងការថតសម្តែង ក៏ដូចជាការលេង Effect ផ្សេងៗ គឺពិតជាឡូយខ្លាំងទាក់ទាញទស្សនាហើយចង់ទស្សនាទៀត ហាក់បីដូចជាយើងកំពុងតែទស្សនា MV បទចម្រៀងបរទេសលដូច្នោះដែរ៕
ដូចនេះចង់ដឹងថា MVបទចម្រៀង«Coming Home» ឡូយប៉ុណ្ណា ទស្សនាវីដេអូខាងក្រោម៖