ភ្នំពេញ៖ ថ្មីៗនេះទាំងលោក ព្រាប សុវត្ថិ និងលោក ឆន សុវណ្ណរាជ បានហោះត្រលប់មកមាតុភូមិជាបន្តបន្ទាប់ ក្រោយបំពេញបេសកកម្មការសម្តែងអស់ជាងមួយខែនៅក្រៅប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនមែនជារឿងចៃដន្យក្នុងការកំណត់ត្រលប់មកស្រុកខ្មែរវិញផ្ទួនគ្នាបែបនេះទេ ជាក់ស្តែងគឺដោយសារកំពូលតារាចម្រៀងទាំងពីរគឺលោក ព្រាប សុវត្ថិ និងលោក ឆន សុវណ្ណរាជ ត្រូវត្រៀមខ្លួនធ្វើជាគណៈកម្មការក្នុងការប្រលងចម្រៀងកុមារលំដាប់ពិភពលោកដ៏ថ្មីសន្លាងគឺ Cambodian Idol Junior របស់ស្ថានីយទូរទស្សន៍ហង្សមាស។
កម្មវិធីប្រឡងចម្រៀងកុមារប្លែកពីគេក្នុងយុគសម័យថ្មី Cambodian Idol Junior នឹងចាប់ផ្តើមដំណើរការរដូវកាលទី១របស់ខ្លួនក្នុងពេលដ៏ខ្លីឆាប់ៗខាងមុខនេះហើយ ដែលមានគណៈកម្មការជាតារាចម្រៀងលំដាប់ប្រទេសបីរូបគឺលោក ព្រាប សុវត្ថិ លោក ឆន សុវណ្ណរាជ និងអ្នកនាង សុខ ស្រីនាង។
កម្មវិធីប្រឡងចម្រៀងកុមារ Cambodian Idol Junior រដូវកាលទី១នេះ ទទួលបានការឧបត្ថម្ភផ្ដាច់មុខដោយ vivo S1 ស្វែងរកស្តាយថ្មីរបស់អ្នក ដោះសោដោយស្កេនក្រយ៉ៅដៃលើអេក្រង់ AI សែលហ្វី 32 MP៕