Chompoo ធ្វើឲ្យហ្វេនៗចង់ដាច់ផ្ងារ ពេលគ្រងក្នុងរ៉ូបស្ដើងបែបនេះ!

ថៃ៖ Chompoo Araya ​ដែលជាតារាសម្ដែងស្រី លំដាប់ជួរមុខក្នុងប្រទេសថៃ នូវតែអាចទាក់ទាញចំណាប់អារម្មណ៍ និងប្រជាប្រិយភាពពី មហាជនរាល់គ្នា​បានដដែល បើទោះជានាងបានក្លាយជាអ្នកម្ដាយគេ ទៅហើយក៏ដោយ។

លើសពីនេះ រាល់ពេលដែល Chompoo លេចវត្តមានក្នុងកម្មវិធីនានា មិនដែលធ្វើឲ្យប្រិយមិត្តមានការអាក់អន់ស្រពន់ចិត្ត ជាមួយស្ទាយ៍តុបតែងខ្លួន របស់នាងនោះទេ មិនថាការផាត់មុខ ឬស្ទីលសម្លៀកបំពាក់ គឺមានការសម្រិតសម្រាំង ជាចំណីអារម្មណ៍ប្លែក សម្រាប់ហ្វេនៗជានិច្ច។​

ជាក់ស្ដែង កាលពីពេលថ្មីៗនេះ​ អ្នកម្ដាយរូបនេះ ត្រូវបានជ្រើសតាំង ជាសមាជិកគណៈកម្មាការនៃកម្មវិធីប្រកួតបវរកញ្ញាថៃពិភពលោក ប្រចាំឆ្នាំ២០១៩ (Miss Thailand World 2019) ថែមទាំងបានផ្ដល់ជាកិត្តិយស ប្រគល់ពានរង្វាន់ ឲ្យបេក្ខជនទៀតផង។

ក្នុងពេលនោះដែរ Chompoo មិនធ្វើឲ្យប្រិយមិត្ត មានការខកចិត្តជាមួយ ស្ទីលសម្លៀកបំពាក់របស់នាងនោះទេ ដោយបានធ្វើឲ្យអ្នករាល់គ្នា ចំណាំសឹងតែមិនបានថែមទៀតផង ជាមួយនឹងម៉ូតរ៉ូបស្បៃដ៏ស្ដើង បញ្ចេញសាច់សខ្ចី និងដងខ្លួនដ៏ស្រឡូនស្អាត។

បន្ថែមពីនេះ នាងបានបន្ថែមភាពលេចធ្លោ ដោយការផាត់មុខបែបស៊ិចស៊ី ក្រែមពណ៌ក្រហមយ៉ាងដិត និងការបួងសក់លើកឡើងទៀតនោះ មើលទៅស្រស់សោភា និងទាក់ទាញបេះដូងហ្វេនៗបានមិនតិចនោះទេ៕

ចង់ជ្រាបច្បាស់ ទស្សនារូបភាពខាងក្រោម៖