រាជធានីភ្នំពេញ, ថ្ងៃទី ១៨ ខែកញ្ញា ឆ្នាំ២០២៦ :  កាលពីថ្ងៃទៅ១៦ ខែកញ្ញា ឆ្នាំ២០២៦ កន្លងទៅនេះ ក្រុមហ៊ុន AlpSolarr បានប្រារព្ធពិធីបើកសម្ភោធជាផ្លូវការនូវវត្តមាន Showroom ដំបូងបង្អស់របស់ខ្លួននៅក្នុងប្រទេសកម្ពុជា និងប្រកាសបង្ហាញបច្ចេកវិទ្យាថាមពលបៃតងជំនាន់ថ្មី ក្នុងកម្មវិធីរបស់ខ្លួនជាផ្លូវការនៅ ប្រកបដោយជោគជ័យ ជាមួយនឹងការចូលរួមយ៉ាងច្រើនពីសំណាក់ដៃគូសហការអាជីវកម្ម។ គួរបញ្ជាក់ដែរថា ក្រុមហ៊ុន AlpSolarr ជាបុត្រសម្ព័ន្ធនៃ LIGOO NEW Energy Co., LTD ដែលជាក្រុមហ៊ុនផ្តល់ដំណោះស្រាយប្រព័ន្ធថាមពលពន្លឺព្រះអាទិត្យស្តង់ដារអន្តរជាតិ ដែលនៅពេលនេះ នឹងមានវត្តមានដំបូងនៅក្នុងប្រទេសកម្ពុជា។

ការរៀបចំព្រឹត្តិការណ៍សម្ពោធនេះ ធ្វើឡើងក្នុងគោលបំណងបន្ថែមនូវគុណតម្លៃនៃផលិតផល និងបង្ហាញបច្ចេកវិទ្យាថ្មី អោយបានកាន់តែជ្រាបច្បាស់អំពីដំណើរការនៃបើកដំណើរការក្រុមហ៊ុន Alpsolarr នៅកម្ពុជានេះ ព្រមទាំងដើម្បីផ្តល់ភាពងាយស្រួលក្នុងការស្វែងយល់ ប្រឹក្សាយោបល់ និងជ្រើសរើសដំណោះស្រាយថាមពលបៃតងដែលមានស្តង់ដារអន្តរជាតិ សុវត្ថិភាពខ្ពស់ និងជួយសន្សំសំចៃ កាត់បន្ថយការចំណាយលើថ្លៃអគ្គិសនីបានយ៉ាងច្រើនសន្ធឹកសន្ធាប់ទៅដៃគូសហការអាជីវកម្មក្នុងស្រុក ក៏ដូចជាអតិថិជននាពេលអនាគតផងដែរ។ មិនតែប៉ុណ្ណោះជួយអោយដៃគូអាជីវកម្ម ក៏ដូចជាអតិថិជនទាំងឡាយដែលមានវត្តមានក្នុងកម្មវិធីនេះទទួលបានព័ត៌មានកាន់តែលម្អិត និងយល់ដឹងកាន់តែច្បាស់ពីផលិតផលទាំងអស់ដែល Alpsolarr  នាំយកមកកាន់កម្ពុជា និងការប្រើប្រាស់អោយបានត្រឹមត្រូវ។

ជាមួយគ្នានេះដែរ ក្រុមហ៊ុន AlpSolarr ក៏បានដាក់បង្ហាញនូវបច្ចេកវិទ្យាអាគុយផ្ទុកថាមពល និងអាំងវ៉ែកទ័រឆ្លាតវៃស៊េរីថ្មីចុងក្រោយបង្អស់ ដើម្បីឆ្លើយតបទៅនឹងតម្រូវការប្រើប្រាស់ថាមពលអគ្គិសនីដែលមានស្ថិរភាព សុវត្ថិភាព និងជួយកាត់បន្ថយចំណាយលើថ្លៃអគ្គិសនីសម្រាប់គេហដ្ឋាន និងអាជីវកម្មក្នុងប្រទេសកម្ពុជា។

លោក Tang Yi អគ្គនាយកនៃក្រុមហ៊ុន LIGOO New Energy Co., Ltd. បានសម្តែងការស្វាគមន៍ និងអំណរគុណចំពោះភ្ញៀវកិត្តិយសកម្ពុជាទាំងឡាយ និងដៃគូសហការក្នុងស្រុកទាំងអស់ ព្រមទាំងបានបង្ហាញពីចក្ខុវិស័យរបស់ LIGOO ក្នុងការនាំយកម៉ាក AlpSolarrនិងដំណោះស្រាយថាមពលបៃតងស្តង់ដារអន្តរជាតិមកកាន់ទីផ្សារកម្ពុជា។

លោកបានលើកឡើងថា «ការបើកដំណើរការ Showroom ផ្លូវការដំបូងរបស់ AlpSolarr នៅកម្ពុជា គឺជាជំហានសំខាន់មួយក្នុងការផ្តល់ទីតាំងសម្រាប់អតិថិជន និងដៃគូអាជីវកម្ម អាចស្វែងយល់ ប្រឹក្សាយោបល់ និងសាកល្បងបច្ចេកវិទ្យាថាមពលជំនាន់ថ្មី។ លោកក៏បានបញ្ជាក់ពីការប្តេជ្ញាចិត្តរបស់ AlpSolarr ក្នុងការផ្តល់ជូន ផលិតផលមានគុណភាព សេវាកម្មក្រោយការលក់ ការធានាត្រឹមត្រូវ និងការគាំទ្រពីអ្នកជំនាញ ដើម្បីឆ្លើយតបនឹងតម្រូវការថាមពលរបស់គ្រួសារ និងអាជីវកម្មនៅកម្ពុជា»។

ជាមួយគ្នានេះដែរ លោកស្រី អ៊ុល ពេជចិន្តា ដែលជាតំណាង និងជាជំនួយការផ្ទាល់របស់ លោក ឈឹម ប៊ុនឈឿន អគ្គនាយកនៃក្រុមហ៊ុន BPower Green Co., Ltd. បានបញ្ជាក់ថា កិច្ចសហប្រតិបត្តិការរវាង BPower Green និង AlpSolarr គឺជាការចាប់ផ្តើមនៃភាពជាដៃគូរយៈពេលវែង ដើម្បីរួមចំណែកអភិវឌ្ឍន៍ទីផ្សារថាមពលស្អាតនៅកម្ពុជា។

លោកស្រីបានលើកឡើងថា អតិថិជនសព្វថ្ងៃមិនត្រឹមតែស្វែងរកផលិតផលថាមពលប៉ុណ្ណោះទេ ប៉ុន្តែថែមទាំងត្រូវការនូវ គុណភាព ភាពជឿជាក់ តម្លៃសមរម្យ សុវត្ថិភាព ការធានា និងសេវាកម្មរយៈពេលវែង។ តាមរយៈការសិក្សា និងសហការជាមួយ AlpSolarr BPower Green មើលឃើញពីសក្តានុពលនៃផលិតផលដែលផ្តោតលើ គុណភាព បច្ចេកវិទ្យា សុវត្ថិភាព ប្រសិទ្ធភាព និងភាពបត់បែន ទៅតាមតម្រូវការរបស់អតិថិជនកម្ពុជា។

លោកស្រីក៏បានបង្ហាញពីការប្តេជ្ញាចិត្តក្នុងការពង្រីកកិច្ចសហប្រតិបត្តិការ និងបណ្តាញចែកចាយ ដើម្បីនាំយកដំណោះស្រាយថាមពលរបស់ AlpSolarr ទៅដល់អតិថិជននៅទូទាំងប្រទេសកម្ពុជាផងដែរ។

គួរបញ្ជាក់ផងដែរថាក្រុមហ៊ុន AlpSolarr ក៏បានដាក់ផលិតផលសំខាន់ៗតាំងបង្ហាញ និងព្រមទាំងទទួលបានការចាប់អារម្មណ៍ខ្លាំងក្លា រួមមាន៖ ប្រព័ន្ធអាគុយរក្សាថាមពល LIVO-16E (Low Voltage Battery System): បច្ចេកវិទ្យាអាគុយ LiFePO4 ទំហំ 16.08 kWh ដែលមានសុវត្ថិភាពខ្ពស់ អាចតភ្ជាប់ប៉ារ៉ាឡែលបានរហូតដល់ ១៦ គ្រឿង និងមានការធានាគុណភាពផ្លូវការរហូតដល់ ៥ ឆ្នាំ និង អាំងវ៉ែកទ័រឆ្លាតវៃ PULSE S4 (ECO-hybrid Inverter): ប្រព័ន្ធអាំងវ៉ែកទ័រកម្លាំងចាប់ពី 6kW ដល់ 10kW ដែលមានកម្រិតការពារជម្រាបទឹក និងដី IP66 គាំទ្រការគ្រប់គ្រង និងតាមដានតាមរយៈ Wi-Fi/Bluetooth ដើម្បីធានានូវប្រសិទ្ធភាពប្រើប្រាស់ថាមពលអគ្គិសនីកម្រិតខ្ពស់។ កម្មវិធីនេះបានធ្វើឡើងនៅ សណ្ឋាគារ JD Polman and Residence ប្រកបដោយភាពជោគជ័យ ដោយមានការចូលរួមពីថ្នាក់ដឹកនាំនៃក្រុមហ៊ុនវិនិយោគចិន-កម្ពុជា ដៃគូសហការក្នុងស្រុក, KOL និង បងប្អូនសារព័ត៌មានផងដែរ។

អំពី AlpSolarr

គឺជាក្រុមហ៊ុនបុត្រសម័ន្ធរបស់ LIGOO NEW Energy Co., LTD ដែលជាក្រុមហ៊ុនឈានមុខក្នុងការផ្តល់ជូននូវដំណោះស្រាយប្រព័ន្ធថាមពលព្រះអាទិត្យ អាគុយផ្ទុកថាមពល និងអាំងវ៉ែកទ័រដែលមានគុណភាព និងស្តង់ដារអន្តរជាតិ ជាមួយនឹងវត្តមានក្នុងទីផ្សារជាច្រើនប្រទេសជុំវិញពិភពលោក។ AlpSolarr ផ្តោតលើការនាំចូល និងចែកចាយនូវផលិតផលស្តង់ដារគុណភាពខ្ពស់ រួមមាន ប្រព័ន្ធអាគុយផ្ទុកថាមពល អាំងវ៉ែកទ័រឆ្លាតវៃ និងឧបករណ៍បច្ចេកវិទ្យាថាមពលពន្លឺព្រះអាទិត្យ ក្នុងគោលបំណងផ្តល់ជូននូវដំណោះស្រាយថាមពលប្រកបដោយសុវត្ថិភាព ប្រសិទ្ធភាព និងចីរភាព សម្រាប់គេហដ្ឋាន និងអាជីវកម្មនៅកម្ពុជា៕

ព័ត៌មានបន្ថែមសម្រាប់ប្រព័ន្ធផ្សព្វផ្សាយ សូមទាក់ទង៖

●       ទំព័រហ្វេសប៊ុកផ្លូវការ: AlpSolarr KH

●       គេហទំព័រ: www.alpsolarr.com

●       ទីតាំង ក្រោយផ្សារទំនើបអ៊ីនអនសែនសុខ: https://maps.app.goo.gl/8zChgKicuxhPtrAc9?g_st=ic

●       លេខទំនាក់ទំនង៖ 086808688