ក្រសួងមហាផ្ទៃ បានស្នើសុំរឹតបន្តឹងច្បាប់ចរាចរណ៍ឡើងវិញ ចាប់ពីថ្ងៃទី១ ខែកញ្ញា ឆ្នាំ២០២៦ តទៅ។ការរឹតបន្តឹងនេះ អនុវត្តនៅភូមិសាស្ត្រដែលមានគ្រោះថ្នាក់ច្រើន រួមមាន រាជធានីភ្នំពេញ ខេត្តព្រះសីហនុ ខេត្តកណ្តាល ខេត្តកំពង់ស្ពឺ និងខេត្តស្វាយរៀង។

ការរឹតបន្តឹងនឹងផ្តោតលើអំពើល្មើសដែលបង្កគ្រោះថ្នាក់ រួមមាន ការបើកបរលើសល្បឿនកំណត់ ការបើកបរក្នុងស្ថានភាពស្រវឹង ការមិនគោរពសញ្ញាសិទ្ធិអាទិភាព និងភ្លើង ស្តុប និងការដឹកជញ្ជូនទំនិញសំពីងសំពោង។ 

អាស្រ័យហេតុនេះ សូមមហាជនជ្រាបជាព័ត៌មាន និងសូមមេត្តាបើកបរដោយគោរពច្បាប់ចរាចរណ៍ និងបើកបរដោយមានទំនួលខុសត្រូវ៕