ក្រុមហ៊ុនផលិតថ្មចិន CATL ថាពាក់កណ្តាលនៃការលក់រថយន្តដឹកទំនិញធុនធ្ងន់ចិនអាចជារថយន្ត EV នៅឆ្នាំ២០២៨

អន្តរជាតិ៖ ពាក់កណ្តាលនៃការលក់រថយន្តដឹកទំនិញធុនធ្ងន់របស់ប្រទេសចិនអាចជារថយន្តអគ្គិសនីនៅឆ្នាំ២០២៨ កើនឡើងពី ១០ភាគរយក្នុងឆ្នាំ២០២៤។ បើតាមការលើកឡើងប្រធានក្រុមហ៊ុនផលិតអាគុយ CATL បាននិយាយកាលពីថ្ងៃអាទិត្យ។

ការអត្ថាធិប្បាយដោយលោក Zeng Yuqun ដែលធ្វើឡើងនៅក្នុងពិធីបើកការដោះដូរអាគុយរថយន្តដឹកទំនិញធុនធ្ងន់ និងរាយការណ៍ដោយគេហទំព័រព័ត៌មាន Jiemian ដែលមានទំនាក់ទំនងជាមួយរដ្ឋាភិបាលក្រុងស៊ាងហៃ បង្ហាញពីការឈានទៅមុខបន្ថែមទៀតសម្រាប់តម្រូវការប្រេងឥន្ធនៈនៅក្នុងវិស័យដឹកជញ្ជូន ដែលរងផលប៉ះពាល់ដោយការកើនឡើងនៃរថយន្ត LNG នៅក្នុងប្រទេសចិន។

CATL បានប្រកាសកាលពីថ្ងៃសៅរ៍ថា ខ្លួនបានដាក់កន្លែងផ្ទុកថាមពល 60ជីហ្គាវ៉ាត់ម៉ោង និងមូលដ្ឋានផលិតអាគុយ EV ទៅក្នុងផលិតកម្មនៅក្នុងខេត្ត Shandong ដែលជាកន្លែងដំបូងរបស់ខ្លួននៅភាគខាងជើងប្រទេសចិន។

CATL បានបង្ហោះនៅលើកម្មវិធីប្រព័ន្ធផ្សព្វផ្សាយសង្គម WeChat ថា ដំណាក់កាលទីពីរ និងទីបីនៃគម្រោង នឹងត្រូវបានបន្ថែមក្នុងរយៈពេលពីរឆ្នាំខាងមុខ ដោយបង្កើតជាចង្កោមថាមពលថ្មឧស្សាហកម្មថាមពលដែលមានតម្លៃរាប់ពាន់លានយន់នៅក្នុងតំបន់។

ការជូនដំណឹងរបស់រដ្ឋាភិបាលក្នុងតំបន់កាលពីឆ្នាំមុនបានបង្ហាញថា ទីក្រុង Shandong មានបំណងសាងសង់ឧស្សាហកម្មថ្មលីចូមដែលមានតម្លៃ ១០០ពាន់លានយន់ (១៤ពាន់លានដុល្លារ) នៅឆ្នាំនេះ ដោយរួមបញ្ចូលសម្ភារអេឡិចត្រូត អេឡិចត្រូលីត កោសិកាថ្ម និងការផ្គុំ៕

ប្រភព៖ CNA

ប្រែសម្រួលដោយ៖ MD-Angkor