សឹងតែមិនជឿថា តួកីឡាកាស បាធីស្តា ស្រ»-កគី»-ឡូមើលលែងស្គាល់

អាមេរិក៖ ថ្មីៗនេះមានការភ្ញាក់ផ្អើលមួយបានកើតឡើង បន្ទាប់ពីអ្នកគាំទ្រវិស័យកីឡាកាសបានឃើញ រូបរាងបច្ចុប្បន្នរបស់អតីតតួកីឡាកាស WWE ល្បីឈ្មោះ គឺលោក Dave Bautista ឬយើងចូលចិត្តហៅថា "បាធីស្តា" នៅពេលលោកអញ្ជើញចូលរួមក្នុងកម្មវិធី Toronto Internatioal Film Festival ឆ្នាំ២០២៤។

អតីតតួកីឡាកាសដែលពេលនេះវិវត្តន៍មកជាតារាសម្ដែងល្បីឈ្មោះ ដែលមានអាយុ៥៥ឆ្នាំរូបនេះ បានស្រកដល់ទៅ២២គីឡូពីទម្ងន់ដើមរបស់គេ និងបានចែករំលែកថា លោកបានហាត់ក្បាច់គុន Jiu-Jitsu និងតមអាហារដោយទទួលទានតែបន្លែទើបស្រកគីឡូបានដល់ថ្នាក់នេះ។

យ៉ាងណាមិញ អ្នកគាំទ្រនៅតែមានការព្រួយបារម្ភពីសុខភាពរបស់លោក ព្រោះលោកស្គមសឹងតែមើលមិនស្គាល់ទៅហើយ ប៉ុន្តែលោក Bautista បានទម្លាយថា លោកស្រកគីឡូព្រោះគិតថាលោកមិនចង់បង្ហាញខ្លួនជាតួសម្ដែងក្នុងរឿង ដែលមានមាឌធំខុសគេឯងពេកឡើយ។ ម្យ៉ាងវិញទៀត ត្រឹមគីឡូប៉ុណ្ណេះលោកងាយនឹងសម្ដែងហើយក៏សប្បាយចិត្តជាងមុននោះដែរ៕  

ប្រភព៖ aol