អ្នកគាំទ្រចំហមាត់ ឃើញរូបរាង Taehyung ប្រែទៅជាបែបនេះ ក្រោយខំហាត់ទាហ៊ានពិសេសអស់ប៉ុន្មានខែ

កូរ៉េខាងត្បូង៖ ប្រិយមិត្តច្បាស់ជាដឹងហើយថា តារាចម្រៀងរូបសង្ហារ Kim Taehyung ដែលជាសមាជិក BTS ពេលនេះ កំពុងតែមមាញឹកក្នុងភារកិច្ចបម្រើជាតិក្នុងជួរយោធា ដែលលោកត្រូវឃ្លាតពីឆាកតន្រ្តីនិង អ្នកគាំទ្ររយៈពេល២ឆ្នាំ ហើយនឹងត្រឡប់មកវិញនៅឆ្នាំ២០២៥ខាងមុខនេះ។  

មិនតែប៉ុណ្ណោះ តារាប្រុសរូបនេះ មិនត្រឹមតែបម្រើនៅក្នុងកងទ័ពធម្មតានោះទេ លោកបានចុះឈ្មោះជាកងយោធាពិសេស ដែលត្រូវទាមទារការហ្វឹកហាត់យ៉ាងតឹងរឹង។ ថ្មីៗនេះ គេបានឃើញ Taeyhung នៅក្នុងឈុតកងទ័ពពិសេស នៅតាមផ្លូវ ដែលលោកក៏បានមករាក់ទាក់នឹងនារីម្នាក់ផងដែរ។

តាមរយៈរូបភាព និង វីដេអូ ទាំងនេះ កំពុងតែធ្វើឲ្យអ្នកគាំទ្រមានការភ្ញាក់ផ្អើលនឹងរូបរាងកាយដ៏សង្ហារ មានសាច់ដុំមាំៗ របស់ Taehyung ប្លែកពីមុន។ លើសពីនោះ អ្នកលេងបណ្ដាញសង្គមនាំគ្នាចំហមាត់ ក្រោយពីឃើញតារាប្រុសរូបនេះ ឡើងសាច់ដុំ មាឌឡើងឌាំងជាងមុនសមជាទាហ៊ានពិតៗ៕

ប្រភព៖ Lｏｖｅｌｙ Tａｅｈｙｕｎｇ