កូរ៉េខាងត្បូង៖ កាលពីថ្ងៃទី 19 ខែឧសភា ក្រុមស៊ើបអង្កេតរបស់ BBC World Service របស់ BBC Eye បានចេញផ្សាយភាពយន្តឯកសារថ្មី ដែលមានចំណងជើងថា Burning Sun ដោយបង្ហាញពីការស្រាវជ្រាវដែលអ្នកកាសែតស្រីកូរ៉េពីរនាក់បានព្យាយាម លាតត្រដាងរឿងអាស្រូវផ្លូវភេទពាក់ព័ន្ធនឹងតារា K-Pop ដ៏ល្បីល្បាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Seungri](https://s9.kh1.co/__image/w=420,h=320,q=100/ea/ea1f29fb918f80403df5e2258c55bcadc4f347c9.jpg)
តាមដែលគេដឹង គ្មានតារា K-Pop ណាម្នាក់ដែលពាក់ព័ន្ធនឹងរឿងអាស្រូវនោះ ខ្លាំងច្រើនជាង Seungri អតីតសមាជិក BIGBANG ទេ។ អតីតតារាចម្រៀងរូបនេះ មានទំនាក់ទំនងជាមួយក្លឹប Burning Sun ហើយត្រូវបានគេចោទថាជាសមាជិកនៃក្រុម ដែលវីដេអូសិចខុសច្បាប់ដ៏សកម្មជាងគេ ។
![Seungri](https://s9.kh1.co/__image/w=650,h=407,q=100/85/853ee4973ad521dafa95c2960b61154929143e6c.jpg)
ទីបំផុត Seungri ត្រូវបានគេរកឃើញថាមានពិរុទ្ធក្នុងការរៀបចំការជួញដូរផ្លូវភេទ ការលេងល្បែងស៊ីសងខុសច្បាប់ និងបទចោទប្រកាន់ជាច្រើនទៀត ដោយទទួលបានការកាត់ទោសដាក់ពន្ធនាគាររយៈពេលខ្លីមួយឆ្នាំកន្លះ។ ដោយឡែក ក្រោយពីការដោះលែងពីពន្ធនាគាររួចមក Seungri មានសេរីភាព ដើរលេងហ៊ឺហារ ធ្វើឲ្យមហាជនជាច្រើនមានការស្អប់ខ្ពើម ប៉ុន្ដែក៏នៅតែមានក្រុមអ្នកគាំទ្រផងដែរ។
![Seungri](https://s9.kh1.co/__image/w=560,h=406,q=100/d7/d743592f50dad71ddf979b58b2fba8c72103c6df.jpg)
ទោះជាយ៉ាងណាក៏ដោយ ក្នុងវីដេអូដ៏អាក្រក់ពីភាពយន្តឯកសារថ្មី គេឃើញ Seungri ស្រែកដាក់មនុស្សស្រីម្នាក់ ដែលនាងមានសភាពស្រវឹង ហើយរូបលោកហាក់ដូចជាអាចនឹងវាយនាងមុននឹងចាប់ដៃនាងហើយព្យាយាមទាញនាងតាម។ តាមរយៈវីដេអូនេះ បង្ហាញអំពីទង្វើដ៏អាក្រក់របស់ Seungri នៅក្នុងឧក្រិដ្ឋកម្មដែលបានកើតឡើង ហើយធ្វើឲ្យមហាជនជាច្រើន នៅតែមិនអស់ចិត្តនឹងទង្វើមួយនេះ៕
ប្រភព៖ koreaboo
សូមទស្សនាវីដេអូតាមរយៈ៖ Seungri Burning Sun Scandal
![Seungri](https://s9.kh1.co/__image/w=344,h=335,q=100/b0/b081f59a9a716b04144f6866f8327ef62d29add9.jpeg)
![Seungri](https://s9.kh1.co/__image/w=343,h=350,q=100/99/99e3f82de63eec6c34ec0051569ca9519445c721.jpeg)
![Seungri](https://s9.kh1.co/__image/w=276,h=504,q=100/5f/5ffa197b1bec904aab1a8e8ef51f5cdc8b737d5f.webp)
![Seungri](https://s9.kh1.co/__image/w=650,h=362,q=100/1a/1afd449f6ad4115de6fb78b45e3af3e512b0c5ab.webp)
![Seungri](https://s9.kh1.co/__image/w=650,h=889,q=100/62/6233261a3c4618270ee6f63c8a3e14c751ad1cd0.webp)