អបអរ ! Jennie បង្កើតប្រវត្តិសាស្ត្រមួយទៀត ក្លាយជាតារាកូរ៉េស្រីដំបូង ឈរឈ្មោះយូរជាងគេ

កូរ៉េខាងត្បូង៖ កាលពីថ្មីៗនេះ យោងទៅតាមសារព័ត៌មានរបស់ Sompi បានឲ្យដឹងថា តារាចម្រៀងស្រី Jennie ដែលជាសមាជិកក្រុម Blackpink បានបង្កើតប្រវត្តិសាស្ត្រថ្មីមួយទៀតក្នុងនាមជាតារាចម្រៀង Solo។ ជាពិសេស Jennie តែងតែនាំអ្វីដែលថ្មី និង សមិទ្ធផលពិសេសមកកាន់អ្នកគាំទ្រជានិច្ច។

នៅថ្ងៃទី 14 ខែឧសភា Billboard បានប្រកាសថាបទ "One of the Girls" ដែលជាការសហការរបស់ Jennie ជាមួយ The Weeknd និង Lily-Rose Depp ដែលជាចម្រៀងក្នុងរឿង HBO របស់ពួកគេ "The Idol" ឥឡូវនេះកំពុងចំណាយពេលសប្តាហ៍ទី 20 នៅលើ Hot 100 នៅលេខ 97 ។

ជាមួយនឹងសមិទ្ធផលមួយនេះ បានធ្វើឲ្យ ​Jennie បានក្លាយជាតារាស្រីដំបូង ដែលមានចម្រៀងស្ថិតនៅលើតារា Billboard 100 យូរជាងគេ បន្ទាប់ពីតារាប្រុសដំបូងដែលឈរឈ្មោះយូរនោះ គឺលោក Psy បទ Gangnam Style ចំណាយពេល ​31សប្ដាហ៍ នៅលើតារាងនេះ កាលពី ឆ្នាំ 2012។

ប្រភព៖ Sompi