ភ្នំពេញ៖ តារាចម្រៀងស្រី អ្នកនាង វ៉ាឌី ភាលី អតីតបេក្ខនារី The Voice Cambodia រដូវកាលទី ៣ បានធ្វើការបង្ហោះសារ យ៉ាងវែងអន្លាយជាសារធារណៈ នូវវិបិត្តគ្រួសារ ទាក់ទងនឹងស្វាមីរបស់នាង ទទួលបានការភ្ញាក់ផ្អើលជាខ្លាំង ពីសំណាក់មហាជន ជាពិសេសអុ្នកនិយមលេងអ៉ីនធឺណែត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈការបង្ហោះ នៃខ្លឹមសារទាំងនោះបានរៀបរាប់ រឿងដ៏ឈឺចាប់ ដែលបានលាក់ទុកអស់រយៈពេល ៦ខែមកហើយ ដែលធ្លាក់ខ្លួនជាស្រីមេម៉ាយ ខណៈប្តីបានចុះចោល ទំនួសខុសត្រូវ មានស្រីថ្មី បោះបង់ ភរិយា ព្រោះទាំងកូនទាំង ២ ថែមទាំងឲ្យ រូបនាង រ៉ាប់រងហិរញ្ញវត្ថុក្នុងគ្រួសារទាំងមូល តែម្នាក់ឯងទៀតផង ដោយបានលើកឡើងថា៖
រឿងដែលកប់ទុកក្នុងចិត្តរយៈពេល 6 ខែជាស្រីប្តីរត់ចោល កូន2 ដែលការពេញច្បាប់ ប្តីចេញទៅមានស្រី ទៅចោលខ្ញុំដោយមិនមានទំនួលខុសត្រូវ ទុកកូន ទុកប្រពន្ធ ចោល លុយធានាគាក៏មិនជួយបង់ លុយកូនរៀនក៏មិនរវល់ សូម្បីតែខលមកសួរសុខទុកម្តងក៏គ្មាន.
បងទៅបាត់ពីរខ្ញុំរយៈពេល6ខែហើយ នៅពេលដែរcallមកខ្ញុំគឺcallហៅខ្ញុំអោយទៅផ្តិតមេដៃលែងលះគ្នាសោះបងប្រាប់អោយខ្ញុំដោះលែងបង ទាំងដែលបងទៅបាត់ចោលខ្ញុំនឹងកូន…..
មិននឹកស្មានថា6ខែនេះខ្ញុំតែងតែមិនមាត់មិនករទោះដឹងរឿងបងនឹងស្រីរបស់បងដែលកំពុងសប្បាយមានក្តីសុខជាមួយគ្នាគ្រប់បែបយ៉ាង តែខ្ញុំនៅតែខំប្រឹងរកសុីគ្មានពេលសំរាកដើម្បីយកលុយមកចិញ្ចឹមកូន នឹងបង់លុយធានាគារដែលបងនឹងខ្ញុំយករួមគ្នា. ដឹងហើយថាខ្ញុំចិញ្ចឹមកូនផង បង់សាលាកូនរៀនផង ខ្ញុំហត់ណាស់ ចង់បញ្ចប់ជីវិតខ្លួនឯងម្តងៗ តែឃើញមុខកូនទាំង 2 គិតបកមកវិញ……..
ក្រោយពីបានបង្ហោះមួយនេះ បានធ្វើឲ្យ មហាជន ក៏ដូចជាអ្នកគាំទ្រ មានការអាណិតអាសូរជាខ្លាំង មិនគួរណា តារាស្រីរូបនេះ បែរជាជួបរឿងបែបនេះទាល់តែសោះ ទោះជាយ៉ាងណា មហាជនជាច្រើន បានចូលបញ្ចេញមតិ លើកទឹកចិត្ត និងផ្តល់ជាកម្លាំងចិត្ត ដល់អ្នកម្តាយរូបនេះផងដែរ៕
សូមទស្សនារូបភាពខាងក្រោម៖
![វ៉ាឌី ភាលី](https://s9.kh1.co/__image/w=650,h=976,q=100/13/13c5eee8e73f916cd5b86a3d42839bb77fb7fd18.jpg)
![វ៉ាឌី ភាលី](https://s9.kh1.co/__image/w=650,h=976,q=100/63/63edd5741413d55009b36079393fdae1fccffd98.jpg)
![វ៉ាឌី ភាលី](https://s9.kh1.co/__image/w=650,h=976,q=100/af/aff9d8a622996f5dbc5aa8e2cca3bd080014256c.jpg)
![ការបង្ហោះ](https://s9.kh1.co/__image/w=650,h=677,q=100/dc/dc4b0cdd652e8cf063830a6a56635148230598a0.png)
![ការបង្ហោះ](https://s9.kh1.co/__image/w=650,h=767,q=100/89/89ec8445b369dc138e2375dfe862fca1226ead13.png)