បង្ហាញមុខនៅព្រលានយន្តហោះលើកដំបូង BABYMONSTER បែរជាជួបរឿងបែបនេះទៅវិញ

កូរ៉េខាងត្បូង៖ ទោះបីទើបតែបង្ហាញមុខក្នុងនាមជាក្រុមចម្រៀងនារីថ្មី ជ្រកក្រោមផលិតកម្ម YG Entertainment ក្ដីតែកេរ្តិ៍ឈ្មោះ និងភាពល្បីល្បាញរបស់ក្រុម BABYMONSTER ពិតជាកក្រើកនិងល្បីល្បាញខ្លាំងណាស់។

បន្ទាប់ពីចេញបទចម្រៀងថ្មីមានឈ្មោះថា "SHEESH" ខណៈសមាជិក Ahyeon បានមករួបរួមក្រុមវិញនោះ ប្រជាប្រិយភាពរបស់ BABYMONSTER កាន់តែហក់ឡើងខ្លាំងដោយទទួលបានការកោតសរសើរពីសំណាក់មហាជន បន្ទាប់ពីពួកគេឡើងច្រៀងលើឆាកបែប Live ផ្ទាល់លើឆាកបានពីរោះខ្លាំង។

យ៉ាងណាមិញ កាលពីថ្ងៃទី៩ខែឧសភាកន្លងទៅនេះ សមាជិកទាំង៧នាក់របស់ BABYMONSTER បានបង្ហាញខ្លួននៅព្រលានយន្តហោះលើកដំបូងបង្អស់ជាមួយនឹងស្នាមញញិមព្រមទាំងការតុបតែងខ្លួនយ៉ាងស្រស់ស្អាត និងស៊ីវិល័យ ប៉ុន្តែបែរជាចួបរឿងដ៏គួរឲ្យភ័យខ្លាចមួយ គឺមានអ្នកគាំទ្រច្រើនមករង់ចាំពួកគេ រហូតធ្វើឲ្យសមាជិកទាំងអស់ចាំបាច់ត្រូវមានអង្គរក្សជួយការពារ ដោយសារតែមានការរុញប្រទាញប្រទង់គ្នាពេក។

ក្នុងរូបភាពទាំងនោះ គេបានឃើញថាសមាជិកម្នាក់ៗមានទឹកមុខស្រស់ស្រាយផងភ័យខ្លាចផង ដោយសារតែមានអ្នកគាំទ្រនាំគ្នាប្រជ្រៀតចង់មកជិតខ្លាំងពេក ដែលធ្វើឲ្យទិដ្ឋភាពទាំងមូលមើលទៅរញ៉េរញ៉ៃ ប៉ុន្តែវាក៏បានបញ្ជាក់ដែរថា កេរ្តិ៍ឈ្មោះរបស់ BABYMONSTER ពិតជាល្បីកក្រើក៕

ប្រភព៖ koreaboo