អាមេរិក៖ ជាដំណឹងដ៏គួរឲ្យរីករាយមួយ បន្ទាប់ពីតារាចម្រៀង Justin Bieber បានប្រកាសថារូបគេនិងភរិយា Hailey Biber កំពុងមានបុត្រដំបូងជាមួយគ្នាហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ Hailey បានបង្ហាញផ្ទៃពោះរបស់នាងដែលលយចេញមក បញ្ជាក់ថាកំពុងមានផ្ទៃពោះពិតប្រាកដមែន ហើយនាងថែមទាំងបានថតរូបនៅកោះហាវ៉ៃ បង្អួតពោះរបស់ខ្លួនក្នុងឈុតរៀបការធ្វើពីស្បៃពណ៌ស ដោយមានក្រណាត់គ្របមុខដូចកូនក្រមុំនិងវ៉ែនតាខ្មៅផងដែរ។
ក្នុងរូបភាពប៉ុន្មានសន្លឹកនោះ ទាំង Justin និងភរិយា បានកាន់ដៃគ្នានៅកណ្ដាលវាលស្មៅ ថតត្រាប់តាមពេលដែលពួកគេរៀបការដោយបានស្បថស្បែជាមួយគ្នា ពិតជាមើលទៅរ៉ូមេនទិកសម្បើមណាស់។
គួរបញ្ជាក់ផងដែរថា Justin Bieber និងភរិយាបានរៀបការតាំងពីខែកញ្ញាឆ្នាំ២០១៨ ហើយថ្មីៗនេះក៏មានពាក្យចចាមអារ៉ាមថាពួកគេចង់លែងលះគ្នា ប៉ុន្តែយ៉ាងណា វាគ្រាន់តែជាព័ត៌មានមិនពិតប៉ុណ្ណោះ៕
ប្រភព៖ pagesix