ស្អាតដូចព្រះនាង! សម្រស់ Suzy នៅកម្មវិធី Baeksang Arts Awards កំពុងឆ»-ក់បេះដូងអ្នកគាំទ្រខ្លាំង

កូរ៉េខាងត្បូង៖ កម្មវិធី Baeksang Arts Awards ជាកម្មវិធីប្រគល់ពានរង្វាន់ផ្នែកសម្ដែងដល់តារាសម្ដែងទាំងប្រុសនិងស្រីនៅកូរ៉េខាងត្បូង ដែលបានរៀបចំកម្មវិធីលើកទី៦០ យ៉ាងរលូន ដោយមានការចូលរួមពីសំណាក់តារាសម្ដែងជាច្រើន។

ក្នុងនោះតារាៗជាច្រើនបានបង្ហាញមុខនៅលើកម្រាលព្រំក្រហមក្នុងកម្មវិធី ប៉ុន្តែតារាស្រីដែលគេសង្កេតឃើញថាមានភាពទាក់ទាញខ្លាំង និងលេចធ្លោជាងគេនោះគឺ Suzy ដែលនាងជាតារាសម្ដែងផងនិងជាតារាចម្រៀងផង។

Suzy បានបង្ហាញខ្លួនលើកម្រាលព្រំក្រហមជាមួយនឹងរ៉ូបពណ៌ផ្កាឈូកដិត មានច្នៃម៉ូតផ្នែកខាងមុខរាងដូចជាបូពីរតង់ និងបង្ហាញស្បែកសខ្ចី និងចង្កួយស្មាដ៏ស្រស់ស្អាតដោយនាងបានទម្លាក់សក់ខ្មៅរលើបរលោងគាបត្រង់ សមនឹងទម្រង់មុខ។

នៅក្នុងឈុតមួយទៀត Suzy បានដើរតួជាអ្នកប្រកាសពានរង្វាន់ក្នុងកម្មវិធី ដោយនាងបានស្លៀករ៉ូបពណ៌ទឹកដោះគោ ជាប្រភេទរ៉ូបខ្វែងខាងលើ បញ្ចេញគល់ទ្រូងយ៉ាងស្រស់ស្អាត សម្រុងត្រឹមកជើង ដែលមើលទៅពិតជាសាមញ្ញ តែបង្កប់ភាពស្រស់ស្អាតនិងលេចធ្លោខ្លាំង ដល់ថ្នាក់អ្នកគាំទ្រសរសើរនាងមិនដាច់ពីមាត់ថា នាងពិតជាស្រស់ស្អាតគ្រប់កាលៈទេសៈ៕  

ប្រភព៖ allkpop