Jennie តែងខ្លួនឡើងខ្ចីឃ្យូត ដូចក្មេ»-ងតូច ពេលបង្ហាញមុខនៅជប៉ុន

ជប៉ុន៖ ប្រិយមិត្តប្រាកដជាបានស្គាល់ Jennie ដែលជាតារាចម្រៀង KPOP សមាជិកក្រុមចម្រៀងនារី BLACKPINK ហើយដោយនាងបានបើកផលិតកម្មផ្ទាល់ខ្លួនឈ្មោះ ODD ATELIER ក្រោយចាកចេញពី YG និងបានបង្ហាញមុខជាហូរហែក្នុងនាមជាអ្នកតំណាងសាកល។

ក្នុងនោះ Jennie ក៏បានសហការជាមួយនឹង ម៉ាកវ៉ែនតា Gentle Monster ដ៏ល្បីល្បាញ ដែលពួកគេទើបតែរួមគ្នាបង្កើតឈុតវ៉ែនតាថ្មីហៅថា Jentle Salon ដូច្នេះហើយទើប Jennie បានផ្ដល់កិត្តិយសចូលរួមការសម្ពោធឈុតវ៉ែនតាថ្មីនៅជប៉ុន កាលពីថ្ងៃទី២៩ខែមេសាកន្លងទៅ។

អ្នកគាំទ្រមានការភ្ញាក់ផ្អើលខ្លាំង នៅពេលនាងបានតុបតែងខ្លួនដូចកុមារីគួរឲ្យស្រលាញ់ ដោយបានស្លៀករ៉ូបពណ៌ស ដៃតូច ដែលមានសម្រុងប៉ោងៗត្រង់ពាក់កណ្ដាលភ្លៅ ដោយមានចងខ្សែបូធំពណ៌ខ្មៅមួយត្រង់ក គូជាមួយនឹងស្រោមជើងពណ៌សលុបដល់គល់ភ្លៅ។ អ្វីដែលគេកត់សម្គាល់នោះគឺ Jennie បានពាក់វ៉ែនតាប្រភេទ Bayonetta រាងពងក្រពើគ្មានស៊ុមដែលពិតជាមើលទៅស្រស់ស្អាតមួតបែបស៊ីនឹងសក់ក្រងទីទុយរបស់នាងពាក់កណ្ដាលក្បាលរបស់នាងខ្លាំងណាស់៕  

ប្រភព៖ koreaboo