អាយុ៥៤ហើយ តែកុំមើលរាង Jennifer Lopez ក្មេ»-ងល្មមៗសុំខ្មាស

អាមេរិក៖ Jennifer Lopez ឬហៅថា JLO គឺមិនត្រឹមតែជាតារាចម្រៀងផបដ៏ល្បីល្បាញរបស់អាមេរិកទេ តែរាល់បទចម្រៀងរបស់នាងគឺមានបង្ហាញជាក្បាច់រាំយ៉ាងពិសេស ប្រកបដោយភាពរស់រវើក ដែលមិនសូវមានតារាចម្រៀងអាមេរិកណាធ្វើបានដូចឡើយ។

បើនិយាយពីជីវិតឯកជនវិញ ពេលនេះ Jennifer ដែលមានអាយុ៥៤ឆ្នាំបានរៀបការជាមួយលោក Ben Affleck និងតែងតែចេញមកបង្ហាញភាពផ្អែមល្ហែមជារឿយៗ។

យ៉ាងណាមិញ ថ្មីៗនេះ Jennifer ក៏បានចេញមករាយមន្តស្នេហ៍ដាក់អ្នកគាំទ្រសាជាថ្មីម្ដងទៀត ក្រោយបង្ហាញខ្លួនដោយស្លៀករ៉ូបពណ៌សាច់ វាលក្លៀក រឹបរាង ដែលជារ៉ូបសាមញ្ញសម្រុងពាក់កណ្ដាលកំភួនជើង តែបែរជាលើកសម្រស់តារាស្រីរូបនេះឲ្យកាន់តែឃើញក្មេងជាងវ័យ ដោយសាររាងកាយរបស់នាងនៅតែស្វ៊ែលស្អាត។

ភ្លាមៗបន្ទាប់ពីបានឃើញរូបភាពនេះ អ្នកគាំទ្រមានការកោតសរសើរនាងជាខ្លាំង ដែលពូកែថែរាងនិងស្បែកឲ្យមើលទៅក្មេងជាងវ័យទោះអាយុដល់ពាក់កណ្ដាល១០០ហើយក្ដី៕  

ប្រភព៖ pagesix