មិននឹកស្មានថាម៉ាក់របស់ Chiquita ក្រុម BABYMONSTER ក្មេ»-ងដល់ម្លឹង មើលមួយភ្លែតស្មានបងស្រី

កូរ៉េខាងត្បូង៖ ប្រិយមិត្តប្រាកដជាបានស្គាល់ក្រុម BABYMONSTER ដែលជាក្រុមចម្រៀងនារីថ្មីរបស់ YG Entertainment ដែលក្នុងនោះសមាជិក Chiquita កំពុងទទួលការចាប់អារម្មណ៍ខ្លាំង ដោយសារតែនាងពិតជាពូកែរាំនិងច្រៀង។

ក្រុម BABYMONSTER ទើបតែត្រឡប់មកវិញជាមួយនឹងបទថ្មីមានចំណងជើងថា "SHEESH" ដែលទទួលបានការគាំទ្រយ៉ាងភ្លូកទឹកភ្លូកដីពីសំណាក់អ្នកគាំទ្រ ហើយក៏មានបង្កើតជា Trend រាំបទនេះនៅក្នុង Tiktok និងបណ្ដាញសង្គមនានាផងដែរ។

យ៉ាងណាមិញ អ្នកគាំទ្រមានការចាប់អារម្មណ៍ខ្លាំងនៅពេលនារីម្នាក់បានចេញមករាំបទ SHEESH របស់ BABYMONSTER ដោយមុនដំបូងពួកគេស្មានថានារីម្នាក់នោះជាអ្នកគាំទ្ររបស់ BABYMONSTER តែការពិតគាត់គឺជាម្ដាយរបស់ Chiquita ។

តាមរយៈវីដេអូនោះ គេឃើញថាម្ដាយរបស់ Chiquita ពិតជាមានសម្រស់ក្មេងជាងវ័យសឹងតែអាចហៅថាជាបងស្រីរបស់នាង រហូតអ្នកគាំទ្របានចូលទៅបញ្ចេញមតិថាពួកគេសឹងតែមិនជឿថា នេះគឺជាម្ដាយរបស់ Chiquita ៕

ប្រភព៖ koreaboo