កម្សាន្ត៖ ថ្មីៗនេះ តាមរយៈប្រភព Sohu បានរាយការណ៍ថា លោក Koo Jun Yup (DJ Koo) ដែលជាស្វាមីរបស់តារាស្រី Barbie Hsu បានចូលរួមក្នុងកម្មវិធីទូរទស្សន៍មួយ នៅក្នុងប្រទេសកូរ៉េ។ ខណៈ ក្នុងកម្មវិធីនោះ តារាចម្រៀងប្រុសរូបនេះ ត្រូវបានគេចោទសួរ អំពីការមិនទិញចិញ្ចៀនអាពាហ៍ពិពាហ៍ឲ្យបានត្រឹមត្រូវ ឲ្យភរិយា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យ៉ាងណាមិញ ប្រឈមមុខនឹងការរងការរិះគន់ ពីរឿងមួយនេះ លោក Koo Jun Yup បានឆ្លើយតបយ៉ាងស្ងប់ស្ងាត់ថា៖
មិនមែនខ្ញុំកំណាញ់ ឬគ្មានលុយទិញចិញ្ចៀនរៀបការឲ្យប្រពន្ធទេ ដឹងទេ បើខ្ញុំក៏ទិញចិញ្ចៀនឲ្យប្រពន្ធដែរ ចំណងអាពាហ៍ពិពាហ៍របស់យើងនឹងមិនពិសេស ឬមិនអាចបំភ្លេចបាននោះទេ។ ស្នាមសាក់ចិញ្ចៀន គឺខុសប្លែកពីគេ មិនងាយដកចេញបាន ដូចការស្រឡាញ់គ្នាយ៉ាងខ្ជាប់ខ្ជួនរបស់ប្ដីប្រពន្ធរបស់ពួកយើងនោះទេ។
លើសពីនេះ បើតាម Koo Jun Yup អាពាហ៍ពិពាហ៍របស់តារាប្រុសរូបនេះ ជាមួយនឹង Barbie Hsu ប្រឈមមុខនឹងរឿងអាស្រូវជាច្រើនបន្ទាប់ពីពួកគេរៀបការ។ ទោះបីជាយ៉ាងណាក៏ដោយ រឿងស្នេហារបស់ពួកគេ នៅតែមានភាពរ៉ូមែនទិចនិងសប្បាយរីករាយ ខណៈលោក Koo Jun Yup បានចែករំលែកថា អាថ៌កំបាំងក្នុងការរក្សាទំនាក់ទំនងរវាងខ្លួន និង ភរិយាឱ្យរឹងមាំ គឺតែងតែបង្ហាញពីភាពស្មោះត្រង់ ផងដែរ៕
ប្រភព៖ Kenh14
សូមទស្សនារូបភាពខាងក្រោម៖
Bong I.T