អាមេរិក៖ កាលពីថ្ងៃទី១៣ខែមេសាកន្លងទីនេះ មានរៀបចំព្រឹត្តិការណ៍ប្រគុំតន្ត្រីដ៏អស្ចារ្យមួយឈ្មោះថា "Coachella" ប្រចាំឆ្នាំ២០២៤ នៅឯទីក្រុង Indio រដ្ឋកាលីហ្វ័រញ៉ា ដែលក្នុងនោះមានការចូលរួមសម្ដែងពីក្រុមចម្រៀងជាច្រើនទាំង អាមេរិក និងកូរ៉េ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែអ្នកចម្រៀងនៅលើឆាកមិនសូវបានទទួលការចាប់អារម្មណ៍ទេ ផ្ទុយទៅវិញអ្នកគាំទ្របែរជានាំគ្នាចាប់អារម្មណ៍តារាចម្រៀងល្បីឈ្មោះ Taylor Swift ដែលបានដឹកដៃគូស្នេហ៍ទៅមើលការប្រគុំតន្ត្រីនេះ។
ក្នុងនោះគេបានឃើញថា អ្នកទាំងពីរហាក់នៅឆ្ងាយគ្នាមិនបានសោះ ដោយបានបង្ហាញកាយវិការស្អិតរមួតខ្លាំងមានទាំងឱបគ្នា ថើបគ្នា និងច្រៀងតាមចម្រៀងនៅលើឆាក ដែលមើលទៅពិតជាផ្អែមល្ហែមនិងស្និទ្ធស្នាលគ្នាខ្លាំងណាស់ ដោយគេបានឃើញថា Travis Kelce ដែលជាកីឡាករបាល់ឱបរូបនេះ បានមើលថែ Taylor Swift ខ្លាំង រហូតអ្នកគាំទ្រសរសើរថា អ្នកទាំងពីរពិតជាគូស្នេហ៍ដ៏អស្ចារ្យ៕
ប្រភព៖ pagesix