កម្ពុជា៖ អ្នកប្រដាល់ជើងខ្លាំងរបស់កម្ពុជារហស្សនាមអ្នកលេងពូថៅដៃពិឃាដធឿន ធារ៉ា បានទម្លាយថាការប្រកួតទល់នឹងអ្នកប្រដាល់ ថៃ ម៉ាណាវថង គឺជាការប្រកួតដែលខ្លួនចងចាំមិនអាចបំភ្លេចបាននៅក្នុងអាជីព, នេះបើតាមការលើកឡើងរបស់គាត់ផ្ទាល់នៅក្នុងកម្មវិធី ជីវិត និងកីឡា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ធឿន ធារ៉ា បច្ចុប្បន្នគឺត្រូវបានគេចាត់ទុកថាជាអ្នកប្រដាល់ដ៏កំពូលម្នាក់ប្រចាំប្រទេសកម្ពុជា ហើយគាត់ធ្លាប់បានឆ្លងកាត់ការប្រកួតជាច្រើនសឹងតែរាប់ភ្លេចជាមួយកីឡាករខ្លាំងៗជាច្រើនទៀតមកពីបណ្តាប្រទេសផ្សេងៗ ប៉ុន្តែជារួមមានតែការប្រកួតទល់នឹងអ្នកប្រដាល់ថៃ ម៉ាណាវថង ប៉ុណ្ណោះ ដែលធ្វើឱ្យចងចាំមិនភ្លេចនោះទេនៅក្នុងអាជីព។
រម្លឹកថា ការប្រកួតនោះគឺជាការប្រកួតកាលពី ៤ ឆ្នាំមុននៅក្នុងឆ្នាំ ២០២០ ដែលធ្វើឡើងនៅសង្វៀន CNC ហើយជាលទ្ធផល ធារ៉ា កូនសិស្សរបស់លោកគ្រូអេ ភូថង បានចាញ់ ម៉ាណាវថង ដោយលោកអាជ្ញាកណ្តាលបញ្ឈប់នៅក្នុងទឹកទី ៣ ដោយសារតែ ធារ៉ា បាក់ក្តោងច្រមុះ៕
ដើម្បីជ្រាបច្បាស់សូមទស្សនាវីដេអូសម្ភាសន៍ខាងក្រោម៖