ភ្នំពេញ៖ កាលពីថ្ងៃទី១៧ ខែមេសា​ ឆ្នាំ២០២៣ យោងតាមសេចក្ដីប្រកាស​ របស់ក្រសួងមហាផ្ទៃ ដែលចុះហត្ថលេខា ដោយសម្ដេចក្រឡាហោម ស​ ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ បានបង្ហាញការតែងតាំង អំពីសមាសភាពអភិបាលរងក្រុងអរិយក្សត្រ៥រូប គឺជាក្រុមបង្កើតថ្មីមួយរបស់ ខេត្តកណ្ដាល ដែលត្រូវបានរាជរដ្ឋាភិបាលបង្កើតឡើងតាមរយៈ អនុក្រឹត្យចុះនៅថ្ងៃទី២៣ ខែធ្នូ ឆ្នាំ២០២២ ដែលមានរួម៖ លោក ផុន គឹមឡុង, លោក ស៊ឺន សុផាន់ណា, លោក ជា ហ៊ោ, លោក ចាន់ គឿយ, និងលោកស្រី ធី សុវណ្ណថា។

យ៉ាងណាមិញ នៅក្នុងថ្ងៃនេះដែល យោងតាមហ្វេសប៊ុកផេកផ្លូវការ របស់អភិបាលរងក្រុងអរិយក្សត្រ លោកស្រី ធី សុវណ្ណថា បានបង្ហោះនូវរូបភាព អមជាមួយសារសូមថ្លែងអំណរគុណ ដ៏ខ្ពង់ខ្ពស់ គោរពជូនដល់ ថ្នាក់ដឹកនាំរាជរដ្ឋាភិបាល ទន្ទឹមគ្នានេះដែរ លោកស្រីបាននិយាយរៀបរាប់បន្ថែមថា៖

លើសពីនេះ មានមហាជន អ្នកប្រើប្រាស់បណ្ដាញសង្គមជាច្រើន បាននាំគ្នាចូលរួមអបអរសាទរ ចំពោះភាពជោគជ័យ ដែលបានខិតខំកន្លងមកទៅដល់ អភិបាលរងក្រុងអរិយក្សត្រថ្មី គឺលោកស្រី ធី សុវណ្ណថា យ៉ាងច្រើនហូហែរផងដែរ៕

សូមទស្សនារូបភាពខាងក្រោម៖