កម្សាន្ត៖ ពិតណាស់ គ្មានអ្នកណាម្នាក់អាចយល់ពីអ្នកបានល្អជាងអ្នកយល់ពីខ្លួនអ្នកឡើយ។ ប៉ុន្តែពេលខ្លះមនុស្សត្រូវការ ការណែនាំខ្លះៗក្នុងការស្វែងរកផ្នែកដែលអ្នកមិនដឹងអំពីខ្លួនអ្នកផងដែរ។ នេះជាមូលហេតុដែលមានការធ្វើតេស្តចិត្តសាស្ត្រជាច្រើន ត្រូវបានបង្កើតឡើងសម្រាប់ឲ្យយើងលេងដើម្បីទស្សន៍ទាយពីខ្លួនឯង។ ពេលខ្លះវាជួយឲ្យអ្នកមើលឃើញខ្លួនឯង និងបុគ្គលិកលក្ខណៈមួយចំនួនខុសគ្នាបន្តិចបន្តួច។ ម្យ៉ាងវិញទៀត វាជួយឲ្យអ្នកស្គាល់ខ្លួនឯងកាន់តែច្បាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះ ហ្គេមខាងក្រោមនឹងបង្ហាញផ្នែកពិសេសមួយទៀតរបស់អ្នកបាន ដោយគ្រាន់តែអ្នកជ្រើសរើសកែវមួយណាដែលអ្នកចូលចិត្តដូចក្នុងរូបភាពនេះ។
១.បើអ្នកយកកែវលេខ ១
អ្នកមានសុទិដ្ឋិនិយមខ្លាំងណាស់។ មានអាកប្បកិរិយារួសរាយរាក់ទាក់ ស្មោះត្រង់ ចេះចូលទៅជិតមនុស្សដោយការកោតសរសើរ និងការលួងលោម។ វាជារឿងរីករាយក្នុងការក្លាយជាមនុស្សម្នាក់ដែលលើកទឹកចិត្តឲ្យមានការសន្ទនាជាមួយមនុស្សគួរឲ្យចាប់អារម្មណ៍ជាច្រើន។ ដូច្នេះមនុស្សមួយចំនួន តែងតែនិយាយថាអ្នកជាមនុស្សសប្បុរស។ អ្នកពិតជាធ្វើឲ្យអ្នកមើលឃើញពីភាពល្អរបស់អ្នកដទៃ ហើយអ្នកក៏មានអារម្មណ៍រីករាយចំពោះខ្លួនអ្នកផងដែរ។ ប៉ុន្តែវាជារឿងសោកសៅ ប្រហែលជាភាពសប្បុរសរបស់អ្នក ធ្វើទៅដោយមិនពេញចិត្តខ្លះ ឬការធ្វើល្អរបស់អ្នក គេមើលមិនសូវឃើញតម្លៃ។
២.បើអ្នកយកកែវលេខ ២
អ្នកជាមនុស្សដែលឲ្យតម្លៃគុណភាពលើសបរិមាណ។ អ្នកផ្ទាល់គឺជាមនុស្សចេះគិតនិងមានធនធាន។ ចូលចិត្តរៀបចំផែនការ និងរក្សាអ្វីៗឲ្យស្ថិតក្រោមការគ្រប់គ្រង។ លើសពីនេះ ច្រើនដងដែលអ្នកតែងតែបង្ហាញទំនុកចិត្តលើខ្លួនឯង ប៉ុន្តែអ្នកខ្លាចមិនហ៊ានបង្ហាញវា។
៣.បើអ្នកយកកែវលេខ ៣
អ្នកប្រហែលជាមិនចង់ទទួលយកវាទេ។ ប៉ុន្តែអ្នកចង់មានអារម្មណ៍ថាមានប្រយោជន៍។ អ្នកចង់ទទួលបានការកោតសរសើរ ហើយចួនកាល ការវាយតម្លៃរបស់អ្នកដទៃមកលើសកម្មភាពរបស់អ្នក ថាអ្នកជោគជ័យក្នុងការងារ។ វាគឺដោយសារតែសមត្ថភាពក្នុងការធ្វើកិច្ចការច្រើន។ លើសពីនេះ វាអាចដោះស្រាយបញ្ហាជាច្រើនក្នុងពេលតែមួយដោយឡែកពីគ្នា។ សមត្ថភាពនេះធ្វើឲ្យអ្នកក្លាយជាមនុស្សដែលមានរូបរាងល្អឥតខ្ចោះ ដែលអាចប្រឈមមុខនឹងការលំបាកណាមួយបានយ៉ាងស្រួល។ ទោះជាយ៉ាងណា វាខុសគ្នាក្នុងជីវិតផ្ទាល់ខ្លួនរបស់អ្នក។ វាពិបាកក្នុងការស្វែងរកតុល្យភាពក្នុងជីវិត។ ហើយវាធ្វើឲ្យអ្នកភ័យ ពេលចង់ឲ្យអ្វីៗឲ្យដូចដែលអ្នកចង់បាន។
៤.បើអ្នកយកកែវលេខ ៤
អ្នកជាមនុស្សដែលតែងតែប្រញាប់ប្រញាល់។ នេះក៏មកពីការពិត ដែលអ្នកមានសកម្មភាពជាច្រើនដែលត្រូវធ្វើ។ ជីវិតរបស់អ្នកហាក់ដូចជាខ្យល់កួចឥតឈប់ឈរ។ ប្រសិនបើអ្នកអាចធ្វើបំណងប្រាថ្នាបី បំណងប្រាថ្នាមួយរបស់អ្នកគឺចង់ឲ្យអ្នកមានពេលច្រើនម៉ោងក្នុងមួយថ្ងៃ។ ទោះជាយ៉ាងណាក៏ដោយ នៅពីក្រោយខ្នងគឺអ្នកមិនចង់ទំនេរឡើយ។ នេះជាហេតុផលពិត ដែលអ្នកព្យាយាមធ្វើអ្វីៗជានិច្ច។ អូខេ អ្នកធ្វើបានល្អហើយ ប៉ុន្តែអ្នកក៏ត្រូវគិតអំពីអ្វីដែលអ្នកចង់បានពីជីវិតនេះដែរ។ ព្យាយាមបន្ថយល្បឿនជីវិតរបស់អ្នក ហើយព្យាយាមរីករាយជាមួយពិភពលោកជុំវិញអ្នក។
៥.បើអ្នកយកកែវលេខ ៥
អ្នកមានចិត្តល្អ ប៉ុន្តែពេលខ្លះអ្នកប្រហែលជាមានអារម្មណ៍ថា ជីវិតរបស់អ្នកមិនដើរក្នុងទិសដៅល្អទេ។ វាដូចជាអនាគតមើលទៅមិនប្រាកដប្រជា។ ប្រហែលជាដោយសារតែអ្នក មិនបានកំណត់គោលដៅច្បាស់លាស់គ្រប់គ្រាន់ដើម្បីបន្ត។ ចំពោះអ្នក មនុស្សជាទីស្រលាញ់របស់អ្នក មានសារៈសំខាន់សម្រាប់អ្នក។ ហើយអ្នកនៅតែឲ្យតម្លៃជីវិត និងការសម្រាកដ៏ល្អ។ ប៉ុន្តែអ្នកប្រហែលមិនចង់រកសុភមង្គលក្នុងការងាររបស់អ្នកទេ។
៦.បើអ្នកយកកែវលេខ ៦
អ្នកជាមនុស្សឧស្សាហ៍ព្យាយាម និងឆាប់ហត់នឿយ។ វាប្រហែលជាពិបាកសម្រាប់អ្នក ក្នុងការបង្ហាញពីអារម្មណ៍របស់អ្នក។ ប៉ុន្តែនៅក្នុងជម្រៅចិត្តរបស់អ្នក អ្នកមានទំនុកចិត្តថាអ្នកអាចផ្លាស់ប្តូរពិភពលោកនេះបាន។ មនុស្សនៅជុំវិញអ្នក តែងតែកោតសរសើរចំពោះភាពស្មោះត្រង់របស់អ្នក ព្រោះវាងាយស្រួល រីករាយ និងមានផាសុកភាពនៅពេលពួកគេចំណាយពេលជាមួយអ្នក។ ប៉ុន្តែពេលខ្លះអ្នកមានអារម្មណ៍ខ្សោយ រហូតដល់ត្រូវចុះចាញ់នឹងអារម្មណ៍សោកសៅដែលហាក់ដូចជាគ្មានហេតុផល។
៧.បើអ្នកយកកែវលេខ ៧
អ្នកជាមនុស្សដែលចូលចិត្តរៀបចំគម្រោងទុកមុន ដើម្បីចៀសវាងការភ្ញាក់ផ្អើលពិបាកៗ។ ដូច្នេះជារឿយៗ អ្នកពោរពេញទៅដោយការថប់បារម្ភដោយគ្មានហេតុផល។ យ៉ាងណា កុំខ្លាចក្នុងការអនុញ្ញាតឲ្យជីវិតចេញពីការគ្រប់គ្រងរបស់អ្នកពេលខ្លះ ហើយសូមរីករាយជាមួយវាឲ្យបានពេញលេញ។
៨.បើអ្នកយកកែវលេខ ៨
អ្នកមានការគិតនិងឧស្សាហ៍ព្យាយាម។ វាពិបាកក្នុងការរំខាន នៅពេលអ្នកកំពុងធ្វើអ្វីមួយ។ អ្នកឆ្លាត រហ័សរហួន និងចេះធ្វើការងាររបស់អ្នកបានល្អ។ គំនិត និងផែនការថ្មីៗតែងតែវិលជុំវិញនៅក្នុងខួរក្បាលរបស់អ្នក។ ប៉ុន្តែវាប្រហែលជាពិបាកសម្រាប់អ្នក ក្នុងការនិយាយវាចេញមក ដោយសារតែការពិត អ្នកជាមនុស្សចូលចិត្តភាពឯកជន និងជាមនុស្សដែលគិតមុនធ្វើ។
៩.បើអ្នកយកកែវលេខ ៩
អ្នកមើលទៅអស្ចារ្យណាស់ ពីព្រោះអ្នកមានមនុស្សស្រលាញ់និងចូលចិត្តច្រើន។ ការចែករំលែកចំណូលចិត្តរបស់អ្នកជាមួយអ្នកដទៃ ក៏ជាផ្នែកធំមួយនៃជីវិតរបស់អ្នកដែរ។ ហើយពេលខ្លះអ្នកចូលចិត្តអួតពីភាពជោគជ័យរបស់អ្នកខ្លាំងពេក វាអាចធ្វើឲ្យខូចខាតភាពដ៏ល្អរបស់អ្នកបានដែរ ហើយមនុស្សភាគច្រើននឹងច្រណែននឹងជីវិតអ្នក។
ប្រភព៖ sanook