ក្រសួងការពារជាតិ ទម្លាយថា ទោះបី​ BTS​ ចូលបម្រើយោធា ក៏នៅអាចសម្តែងជាក្រុមបាន

កូរ៉េខាងត្បូង​ ៖ ជាការពិតដែលថា ការពិភាក្សាអំពីអត្ថប្រយោជន៍ពិសេស នៃការបម្រើយោធារបស់ BTS គឺជាបញ្ហាដ៏ក្តៅគគុក ក្នុងចំណោមអ្នកនៅក្នុងវិស័យនយោបាយ និងវប្បធម៌ដ៏ពេញនិយមឥលូវនេះ។

ដូចដែលបានរាយការណ៍ពីមុនមក BIG HIT MUSIC ទើបតែបានចេញផ្សាយការប្រកាស ជាផ្លូវការរបស់ពួកគេទាក់ទងនឹង ផែនការរបស់សមាជិក BTS សម្រាប់ការចូលបម្រើយោធាកាលពីម្សិលមិញ ដោយសមាជិកចាស់ជាងគេ Jin បានផ្តួចផ្តើមដំណើរការភ្លាមៗ នៅពេលដែលកាលវិភាគរបស់លោក សម្រាប់ការចេញបទចម្រៀងទោល ត្រូវបានបញ្ចប់នៅចុងខែតុលា។

ជាលទ្ធផល ក្រសួងការពារជាតិ ក៏បានប្រកាសជំហររបស់ខ្លួនទាក់ទងនឹង ការប្រកាសចូលបម្រើយោធារបស់ BTS ផងដែរ ។ ដោយនៅថ្ងៃទី ១៨ លោក Moon Hongsik អ្នកនាំពាក្យក្រសួងការពារជាតិ បានទទួលការសាកសួរពាក់ព័ន្ធនៅក្នុងសន្និសីទសង្ខេបធម្មតាមួយ ហើយបានធ្វើសេចក្តីថ្លែងការណ៍ផ្លូវការមួយ ដោយនិយាយថា BTS អាចចូលរួមក្នុង ផលប្រយោជន៍សាធារណៈ ឬព្រឹត្តិការណ៍ថ្នាក់ជាតិ ទោះបីជាកំពុងបម្រើក្នុងជួរយោធាក៏ដោយ។

ទន្ទឹមនឹងនេះដែរ Park Jiwon នាយកប្រតិបត្តិនៃក្រុមហ៊ុន HYBE Labels បានចែករំលែកនៅថ្ងៃទី ១៧ ខែតុលា អំពីជម្រើសរបស់ទីភ្នាក់ងារដើម្បីដោះស្រាយ ការធ្លាក់ចុះភាគហ៊ុនដែលរំពឹងទុក នៅពេលដែលការព្រួយបារម្ភរបស់ម្ចាស់ភាគហ៊ុនកើនឡើង៕

សូមទស្សនារូបភាពខាងក្រោម ៖

ប្រភព : GStarLive