ស្រលាញ់គ្នាជាង១០ហើយ គូស្នេហ៍ Pattie បង្អួតចិញ្ចៀនរៀបការ ច្នៃយ៉ាងពិសេស

ថៃ៖ កំពុងតែជិតបានក្លាយជា កូនក្រមុំដ៏ស្រស់ស្អាត នាពេលខាងមុខនេះ សម្រាប់តារាស្រី Pattie ខណៈដែលរូបនាងត្រូវបានមិត្តប្រុសសង្ហា Dan សុំរៀបការយ៉ាងផ្អែមល្ហែម បន្ទាប់ពី អ្នកទាំងពីរ បានស្រលាញ់គ្នាជាង១០ឆ្នាំ មកនេះ។

មិនត្រឹមតែប៉ុណ្ណោះ ថ្មីៗនេះ នៅក្នុងរឿងរ៉ាវរបស់ តារាប្រុសស្រីរូបនេះ ក៏រឿងដ៏គួរឲ្យចាប់អារម្មណ៍ទៀតហើយ ក្រោយពេកដែល ពួកគេបានឆ្លៀតចេញមក បង្ហាញចិញ្ចៀនអាពាហ៍ពិពាហ៍ដែលបានច្នៃឡើងយ៉ាងពិសេស និងស្រស់ស្អាតខ្លាំង។

ជាមួយគ្នានេះ តាមរយៈតារាស្រី Pattie ក៏បានបញ្ជាក់ថា ​ចិញ្ចៀន​អាពាហ៍ពិពាហ៍មួយ​នេះ គូស្នេហ៍របស់នាង លោក Dan បានដាក់​ការ​ខិតខំ​ប្រឹងប្រែង​ច្រើន និងបានអនុញ្ញាតឲ្យខាងកូនក្រមុំ ជ្រើសរើសម៉ូតរចនា និងទំហំពេជ្រ ដោយខ្លួនឯង ​មិន​ថា​ធំ​ឬ​តូច ក៏នឹងត្រៀម​លុយជា​ច្រើនដើម្បីធ្វើវា។ ហើយរូបភាពដែលបានមើលឃើញចិញ្ចៀននោះក៏ជាចិញ្ចៀនដែលមានទំហំពេជ្រធំស្អាត បើទោះបីជា មើលពីចំងាយក៏នៅតែឃើញពន្លឺភ្លឺផ្លេក ផងដែរ៕

ប្រភព៖ Sanook

សូមទស្សនារូបភាពខាងក្រោម៖