កូរ៉េខាងត្បូង៖ មិនថាម៉ូតសក់ពណ៌ផ្កាឈូក ពណ៌ pastel ឬពណ៌ក្រហមខ្ចីទេ សក់ពណ៌ផ្កាឈូក គឺជារឿងពិបាកណាស់ក្នុងការធ្វើឲ្យវាសម្រេចបានចេញជាផលល្អ។ ព្រោះសក់ពណ៌ផ្កាឈូកពិបាកថែទាំ ហើយថែមទាំងពិបាកលុបចេញដូរពណ៌ថ្មីផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាយ៉ាងនេះក្តី តារា K-pop មួយចំនួន ក៏មិនដែលរំលងដែរ ក្នុងការលេងនូវម៉ូតសក់ដែលមានពណ៌ដ៏ទាក់ទាញនេះ តែជាលទ្ធផល ពណ៌សក់នេះ អាចធ្វើឲ្យពួកគេ មានរូបរាងលេចធ្លោបំផុត។ ហើយខាងក្រោមនេះ គឺជាតារាស្រីទាំង ១០រូប ដែលមើលទៅស្រស់ស្អាតខ្លាំង នៅពេលពួកគេដាក់សក់ពណ៌ផ្កាឈូក!
១.Jinni សមាជិក NMIXX
សម្រាប់ការបង្ហាញខ្លួនលើកដំបូងរបស់ NMIXX សមាជិក Jinni បានធ្វើឲ្យមានការចាប់អារម្មណ៍ជាលើកដំបូងជាមួយនឹងសក់ពណ៌ផ្កាឈូកយ៉ាងស្រស់ស្អាត។ ម៉ូតសក់នេះធ្វើឲ្យនាងលេចធ្លោខ្លាំងក្នុងពេលសម្តែង។
២.Sana សមាជិក TWICE
ថ្វីត្បិតតែលាបតែមួយភ្លែត តែសក់ពណ៌ផ្កាឈូករបស់ Sana នៅក្នុងបទ «Feel Special» របស់ TWICE សម្រស់របស់នាងក៏ស្អាតណាស់ដែរ។
៣.Kim Chae Hyun សមាជិក Kep1er
បន្ទាប់ពីដំណើរការជោគជ័យមិនគួរឲ្យជឿនៅលើបទ «Girls Planet 999» Kim Chae Hyun បានត្រលប់មកវិញជាមួយនឹងពណ៌សក់ថ្មីដ៏គួរឲ្យភ្ញាក់ផ្អើលសម្រាប់បទដំបូងរបស់ Kep1er «WA DA DA» ប្រែក្លាយពី Girl-next-door ទៅតារា K-pop ក្នុងមួយប៉ព្រិចភ្នែក។
៤.Yerin អតីតក្រុម GFRIEND
Yerin កើតមកសម្រាប់សក់ពណ៌ផ្កាឈូក ព្រោះទម្រង់មុខរបស់នាងសម ដែលមើលទៅគ្មានកំហុសក្នុងការលាបពណ៌ផ្កាឈូកនោះឡើយ។
៥.Na Go Eun ក្រុម PURPLE KISS
សក់ពណ៌ទង់ដែង ដោយគ្រាន់តែបន្ថែមពណ៌ផ្កាឈូកបន្តិចបន្តួច មើលទៅទម្រង់មុខនិងសម្រស់របស់ Na Go Eun ប្លែងស្អាតយ៉ាងល្អឥតខ្ចោះ។
៦.Rosé ក្រុម BLACKPINK
តាមឈ្មោះរបស់នាង Rosé ដែលមានន័យថាផ្កាកុលាប នាងបានលេងពណ៌សក់នេះយ៉ាងសម ល្អឥតខ្ចោះ ដោយផ្តល់ឲ្យនាងនូវរូបរាងទន់ភ្លន់ក្នុងបទ «Lovesick Girls»។
៧.Gahyeon សមាជិកក្រុម Dreamcatcher
ក្នុងចំណោមពណ៌ផ្កាឈូកខ្លាំងបំផុតនៅក្នុងបញ្ជីនេះ Gahyeon សមាជិកក្រុម Dreamcatcher បានធ្វើឲ្យអ្នកគាំទ្រភ្ញាក់ផ្អើលនៅពេលដែលនាងបានលាបពណ៌សក់របស់នាងទៅជាពណ៌ផ្កាឈូកដ៏ក្តៅគគុក បន្ទាប់ពីបានលេងសក់ធម្មតា និងពណ៌ខ្មៅងងឹតជាច្រើនឆ្នាំចាប់តាំងពីការបង្ហាញខ្លួនលើកដំបូងរបស់នាង។ ពីរឆ្នាំក្រោយមក អ្នកគាំទ្រនៅតែចង់ឲ្យ Gahyeon លាបសក់ពណ៌ផ្កាឈូកដដែល។
៨.J សមាជិកក្រុម STAYC
សក់ពណ៌ផ្កាឈូករបស់ J ក្នុងបទ «ASAP» ធ្វើឲ្យនាងមានលេចធ្លោបំផុតនៅពេលនោះ។
៩.Sakura ក្រុម LE SSERAFIM
មុនពេលបង្ហាញខ្លួនជាមួយក្រុម LE SSERAFIM Sakura បានត្រលប់មកវិញជាលើកចុងក្រោយជាមួយនឹងបទ «Panorama» ក្នុងក្រុមអតីតក្រុម IZ*ONE។ ក្នុងអំឡុងពេលនៃការផ្សព្វផ្សាយ Sakura បានរួមបញ្ចូលគ្នានូវសក់ពណ៌ផ្កាឈូកក្តៅដ៏រស់រវើកជាមួយនឹងគ្រឿងតុបតែងដែលមើលទៅស្អាត ដូចព្រះនាងនៅក្នុង webtoon ។
១០.Yuqi ក្រុម G)I-DLE
សក់ពណ៌ផ្កាឈូករបស់តារាស្រីរូបនេះ ក៏ធ្វើឲ្យនាងមានភាពទាក់ទាញ ស្អាតមិនចាញ់តារាៗខាងលើនោះដែរ។
ប្រភព៖ soompi
Bong I.T