ការលេចធ្លាយចុងក្រោយ បង្ហាញថា ស៊េរី Xiaomi 13 នឹងមានជម្រើសអេក្រង់ មួយកោង មួយរាបស្មើ

បរទេស៖ យោងតាមការលេចធ្លាយចុងក្រោយនេះបានឲ្យដឹងថា ក្រុមហ៊ុន Xiaomi កំពុងតែប្រញាប់ញាល់ ក្នុងការផលិតស្មាតហ្វូនស៊េរី 13 មួយក្នុងចំណោមស្មាតហ្វូនដំបូងគេ ដែលដំណើរការជាមួយឈីប Snapdragon 8 Gen 2។

ពួកវាត្រូវបានពាក្យចចាមអារ៉ាមលើកឡើងថា នឹងរក្សាអេក្រង់កោងបន្តពីអ្នកកាន់តំណែងមុនរបស់ពួកវា ខណៈពេលដែលក្រុមហ៊ុនផលិតស្មាតហ្វូនផ្សេងៗទៀត បានប្ដូរទៅប្រើអេក្រង់រាបស្មើដ៏ពេញនិយមវិញ សូម្បីតែម៉ូឌែលកម្រិតខ្ពស់របស់ពួកគេ។ យ៉ាងណាមិញ ឥឡូវនេះ ប្រភព Digital Chat Station អះអាងថា បានរកឃើញថាក្រុមហ៊ុន Xiaomi ការពិតទៅមានកំពូលទូរសព្ទថ្មីមួយនឹងប្រើអេក្រង់រាបស្មើដែរ ដែលប្រហែលជា 13 ធម្មតា។

ស៊េរីទូរសព្ទថ្មីនេះត្រូវបានគេសន្មត់ថា នឹងមានខ្នាតអេក្រង់វែង ហើយមានរន្ធទម្លុះអេក្រង់នៅចំកណ្ដាលផ្នែកខាងលើ សម្រាប់ដាក់កាមេរ៉ាសែហ្វី។ ទោះជាយ៉ាងណាក៏ដោយ ម៉ូឌែល 13 និង 13 Pro នាពេលអនាគតទាំងនេះ អាចទាក់ទាញអ្នកនៅក្នុងទីផ្សារ សម្រាប់ឧបករណ៍ចល័តថ្មី ជាមួយនឹងគុណភាពបង្ហាញ 2K ជាមួយបច្ចេកវិទ្យា LTPO ដែលផ្ដល់ដោយស្រទាប់ខាងក្រោមថ្មី៕

ប្រភព: Notebookcheck