របាយការណ៍ចុងក្រោយបង្ហាញថា iPhone 14 នឹងរក្សាតម្លៃដដែល

បរទេស៖ ក្រុមហ៊ុន Apple ត្រៀមចេញស៊េរី iPhone 14 ក្នុងពេលឆាប់ៗនេះ។ ខណៈពេលដែលកាលបរិច្ឆេទនៃការប្រកាសបង្ហាញ នៅមិនទាន់បញ្ជាក់ ក្រុមហ៊ុននេះជាធម្មតានឹងដាក់លក់ទូរសព្ទរបស់ខ្លួន នៅក្នុងខែកញ្ញា ឬខែតុលា។ របាយការណ៍មុនៗមួយចំនួនបានអះអាងថា Apple នឹងបង្ហាញ iPhone 14 ជាលើកដំបូង ជាមួយនឹងតម្លៃខ្ពស់ជាង iPhone 13 កាលពីឆ្នាំមុន។

តាមការសន្មត់ សែស្រឡាយទាំងមូលនឹងបង្ហាញខ្លួន ជាមួយនឹងការដំឡើងតម្លៃ $100 ជាងអ្នកកាន់តំណែងមុនរបស់ពួកវា លើកលែងតែ iPhone 14 Max ដែលជាម៉ូឌែលថ្មី សម្រាប់ឆ្នាំនេះ។ យោងតាមរបាយការណ៍ពីមុនទាំងនោះបានឲ្យដឹងថា iPhone 14 នឹងមានតម្លៃ $899។ យ៉ាងណាក៏ដោយ ការលេចធ្លាយមុនៗអាចនឹងមិនមានភាពត្រឹមត្រូវ។

ល្បីថា Apple បានសម្រេចចិត្តរក្សាតម្លៃ iPhone 14 ដែលជាម៉ូឌែលកម្រិតទាបនៅក្នុងសែស្រឡាយ ដ៏គួរឲ្យទាក់ទាញ ដើម្បីប៉ះប៉ូវការជាប់គាំងទីផ្សារពិភពលោក។ នៅក្នុងឆ្នាំនេះ នឹងមិនមានម៉ូឌែល iPhone 14 mini ទេ ហើយជំនួសមកវិញ iPhone 14 គឺជាម៉ូឌែលកម្រិតទាបតែម្ដង នៅក្នុងឆ្នាំនេះ ដែលនឹងមានតម្លៃ $799 ដូច iPhone 13 ដែរ។

វាជារឿងសំខាន់ណាស់ក្នុងការចង្អុលបង្ហាញថា ប្រភពបានបញ្ជាក់យ៉ាងច្បាស់ថា ការរក្សាតម្លៃដដែលនេះគឺមានសម្រាប់តែ iPhone 14 ធម្មតាប៉ុណ្ណោះ។ ម៉ូឌែលផ្សេងទៀតនៃសែស្រឡាយនេះទំនងជានឹងបង្ហាញខ្លួន ជាមួយនឹងការកើនឡើងតម្លៃតាមពាក្យចចាមអារ៉ាម ដោយ iPhone 14 Pro មានតម្លៃចាប់ពី $1,099 និង​ iPhone 14 Pro Max មានតម្លៃចាប់ពី $1,199៕

ប្រភព: Notebookcheck