យល់ដឹង៖ Taurus គឺជាមនុស្សម្នាក់ដែលនឹងជួយអ្នកឱ្យមានកម្លាំងចិត្តឡើងវិញ ហើយលួងលោមអ្នក ឲ្យត្រឡប់ទៅរកជីវិតដ៏ល្អប្រសើរវិញ នៅពេលអ្នកបាត់បង់ក្តីសង្ឃឹម។

នៅពេលដែលនិយាយដល់ មនុស្សដែលមានគំនិតច្នៃប្រឌិត ជាមួយនឹងការស្រមើរស្រមៃដ៏រស់រវើកនោះ គឺជាមនុស្សដែលកើតក្នុងតារានិករ Taurus នេះឯង។ 

មិនត្រឹមតែប៉ុណ្ណឹងទេ នៅមានចំនុចជាច្រើន ដែលជាលក្ខណៈពិសេសរសប់តារានិករ Taurus ដែលអ្នកគួរតែមានពួកគេនៅក្នុងជីវិត។

• ខាងក្រោមនេះ ជាលក្ខណៈពិសេសទាំង ៥យ៉ាងរបស់ Taurus ៖

- ពួកគេជាអ្នកស្តាប់ដ៏អស្ចារ្យម្នាក់។ នៅពេលណាដែលអ្នកកំពុងស្វែងរកដៃគូ ដើម្បីមកស្តាប់រឿងរ៉ាវរបស់អ្នក ដោយអត់ធ្មត់ អ្នកអាចពឹងផ្អែកលើពួកគេ។

- ជាដៃគូដ៏ស្មោះត្រង់បំផុត។ ពួកគេជាមនុស្សដែលមិនងាយស្រលាញ់ឡើយ ប៉ុន្តែនៅពេលដែលពួកគេស្រលាញ់ គឺពួកគេដាក់ចិត្តទាំងអស់ទៅក្នុងវា ដោយមិនប្រែប្រួលឡើយ។

- ជាមនុស្សដែលរួសរាយរាក់ទាក់ និងចុះសម្រុងជាមួយសង្គម។ ពួកគេចូលចិត្តភាពសប្បាយ ស្គាល់មនុស្សថ្មីៗ និងមិនងាយប្រកាន់ ឬវិនិច្ឆ័យឡើយ។

- ជាមនុស្សម្នាក់ដែលគួរឲ្យទុកចិត្ត។ ពួកគេស្អប់ការកុហកបំផុត ដូច្នេះសូមជឿជាក់លើពួកគេចុះ សម្រាប់ការម្ងាត់ ឬរឿងក្នុងចិត្តរបស់អ្នក។

- ជាមនុស្សដែលខិតខំប្រឹងប្រែងចំពោះអ្វី ដែលពួកគេស្រលាញ់។ ពួកគេជាមនុស្សរឹងរូស ដូច្នេះហើយទើបពួកគេប្ដេជ្ញាចិត្ត និងខិតខំប្រឹងប្រែងបំផុត ចំពោះអ្វីដែលកំពុងធ្វើ៕

អត្ថបទដោយ ៖ Yukvey