ពិធីផលិតស្រាបៀរដំបូងរបស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) ត្រូវបានបើកសម្ពោធជាផ្លូវការ កាលពីថ្ងៃទី២៨ ខែកក្កដា ឆ្នាំ២០២២ នេះ!

https://s9.kh1.co/97/97268a23dc86e0b0b52546565f9d1b4b32a4047a.jpg
សង្គម
 28-Jul-2022 4pm · 2 months ago

ពិធីផលិតស្រាបៀរដំបូងរបស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) នេះ បានប្រព្រឹត្តទៅកាលពីថ្ងៃទី28 ខែកក្កដា ឆ្នាំ2022 ក្រោមអធិបតីភាពដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ហ៊ុន ម៉ាណែត។

ភ្នំពេញ៖ ពិធីផលិតស្រាបៀរដំបូងរបស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) នេះ បានប្រព្រឹត្តទៅកាលពីថ្ងៃទី28 ខែកក្កដា ឆ្នាំ2022 ក្រោមអធិបតីភាពដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក ដោយមានការចូលរួមជាភ្ញៀវកិត្តិយសពីសំណាក់ ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី យ៉ាងអធិកអធមបំផុត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=650,h=434,q=100/7f/7ff39487583c658098e47109e15dd46248f18088.jpg

ព្រឹត្តិការណ៍ដ៏មានសំខាន់នេះ ប្រារព្វធ្វើឡើងនៅទីតាំងរោងចក្រផលិតស្រាបៀររបស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) ដោយផ្ទាល់ ដែលស្ថិតនៅក្នុងភូមិស្តៅកន្លែង២ ឃុំដីឥដ្ឋ ស្រុកកៀនស្វាយ ខេត្តកណ្ដាល។

ក្នុងកិច្ចថ្លែងស្វាគមន៍ក្នុងពិធីដ៏មានអត្ថន័យនេះ លោកជំទាវ ឧកញ៉ា សុខ សុភាព អគ្គនាយិកាក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) បានមានប្រសាសន៍បញ្ជាក់ជូន ឯកឧត្តមគណអធិបតី និងភ្ញៀវកិត្តិយសជាតិ-អន្តរជាតិ ថា ក្រុមហ៊ុនអ៊ិនធើ-ម៉ាទ្រីដ បេវើរីច (ខេមបូឌា) ជាក្រុមហ៊ុនដែលបង្កើតឡើងដោយវិនិយោគិនខ្មែរ100% ក្រោមទឹកប្រាក់វិនិយោគសរុបចំនួន 78លានដុល្លាសហរដ្ឋអាមេរិក។

https://s9.kh1.co/__image/w=650,h=434,q=100/22/22d032156152839d177bd17b35b59b30524c6b61.jpg

រោងចក្រដ៏ធំអស្ចារ្យមួយនេះចាប់ផ្ដើមសាងសង់កាលពីខែកក្កដា ឆ្នាំ2020 លើផ្ទៃដី 15ហិចតា និងមានសមត្ថភាពផលិតស្រាបៀរបានចំនួន 500,000 ហិចតូលីត្រ ឬ ស្មើរនឹង 6,500,000 កេសក្នុងមួយឆ្នាំៗ ព្រមទាំងអាចរួមចំណែកជាមួយរាជរដ្ឋាភិបាលបង្កើតការងារដល់យុវជនកម្ពុជាយើងចំនួន 550 កន្លែងផងដែរ។ រោងចក្រសា្របៀរ របស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) ដ៏ធំនិងទំនើបដែលយើងបានឃើញនៅទីនេះត្រូវបានបំពាក់ដោយម៉ាស៊ីនផលិតស្រាបៀរបច្ចេកវិទ្យា​ទំនើបចុង​ក្រោយ​បំផុត​ពី​អឺរ៉ុប ដែលជាប្រទេសមានភាពល្បីល្បាញលើវិស័យផលិតស្រាបៀរលំដាប់ពិភពលោក។ ពិសេសជាងនេះទៀត រោងចក្រស្រាបៀរ អ៊ិនធើ-ម៉ាទ្រីដ បេវើរីច (ខេមបូឌា) មានអ្នកជំនាញផលិតដែលមានបទពិសោធខ្ពស់ រួមផ្សំនឹងសម្រិតសម្រាំងគ្រឿងផ្សំផលិតប្រកបដោយគុណភាពខ្ពស់ ដែលនឹងផ្ដល់នូវរសជាតិដ៏មហស្ចារ្យ និងទទួលបានភាពរីករាយលើសគេដល់អ្នកពិសាស្រាបៀរជាក់ជាមិនខានឡើយ។

https://s9.kh1.co/__image/w=650,h=434,q=100/fd/fda201964bbbd6f7c7dced9411e2957960de5c94.jpg
https://s9.kh1.co/__image/w=650,h=422,q=100/ef/efb08a905d11a14b4f7b5e29c3d4c7168852bcb2.jpg

គួរបញ្ជាក់ថា ចាប់តាំងពីគម្រោងវិនិយោគដ៏ធំមួយនេះទទួលបានការអនុម័តដោយក្រុមប្រឹក្សាអភិវឌ្ឍន៍កម្ពុជា (CDC) នៅឆ្នាំ2022 ដំណើរការសាងសង់រោងចក្រផលិតស្រាបៀររបស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) បានធ្វើឡើងយ៉ាងសកម្មដោយភាពជឿជាក់ និងទុកចិត្តខ្ពស់បំផុត ទោះក្នុងកាលៈទេសៈដែលប្រទេសកម្ពុជាយើងកំពុងឆ្លងកាត់ការរីករាលដាលនៃរោគរាតត្បាតកូវីដ១៩ ក៏ដោយ។ ការណ៍នេះបានកើតឡើងពីភាពជឿជាក់ និងទំនុកចិត្តខ្ពស់បំផុតរបស់ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) លើការដឹកនាំប្រកបដោយកត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានធ្វើឱ្យកម្ពុជាអាចយកឈ្នះបានលើសមរភូមិប្រយុទ្ធប្រឆាំងរោគរាតត្បាតកូវីដ១៩ យ៉ាងពិតប្រាកដ។  

https://s9.kh1.co/__image/w=650,h=434,q=100/9c/9c407b92492ea142ea3bb83cafae87d9ec3fd0d3.jpg
https://s9.kh1.co/__image/w=650,h=434,q=100/0f/0fb1aa780a5d4749960a563f216f2b735a20d005.jpg
https://s9.kh1.co/__image/w=650,h=434,q=100/b5/b5982ee4f6844f64e9f6635406ac01e520bbeb28.jpg

ក្រុមហ៊ុន អ៊ិនធើ-ម៉ាទ្រីដ បេវើរីច (ខេមបូឌា) នឹងផ្តើមដំណើរការផលិតស្រាបៀរចំនួនពីរប្រភេទមុនគេគឺ ស្រាបៀរ ម៉ាទ្រីដ និង ស្រាបៀរ ឡឺ ស្កុទី។ ការយកចិត្តទុកដាក់ខ្ពស់លើប្រព័ន្ធសុវត្ថិភាព សុខភាព អនាម័យយ៉ាងល្អឥខ្ចោះកម្រិតស្ដង់ដាអន្តរជាតិ និងប្រព័ន្ធត្រួតពិនិត្យគុណភាពដែលប្រតិបត្តិដោយក្រុមការងារជំនាញច្បាស់លាស់ពីមន្ទីពិសោធន៍ចាប់តាំងពីដំណាក់កាលដំបូងរហូតដល់ចេញជាផលិតផលសម្រេច និងធ្វើឱ្យអ្នកពិសាទទួលបាននូវបទពិសោធថ្មីនៃរសជាតិស្រាបៀរដ៏ឆ្ងាញ់ប្លែក ស្រាល ស្រទន់ និងភាពរីករាយមិនអាចបំភ្លេចបាន។

*ពិសាដោយទទួលការខុសត្រូវ

https://s9.kh1.co/__image/w=650,h=400,q=100/b3/b35225a1f7090d3b882f7b2c83997743dcd0ef20.jpg
https://s9.kh1.co/__image/w=650,h=434,q=100/f0/f07d3c6df62b3c746b6707013d081c2a9b5fb3c3.jpg
https://s9.kh1.co/__image/w=650,h=427,q=100/6f/6f3e4ca5f06490b32d34880fc4f93df1e206d99d.jpg
Sim Chanry
ស៊ឹម ចាន់រី

អត្ថបទទាក់ទង