យល់ដឹង៖ Virgo ​ជា​មនុស្សដែល​បើក​ចិត្ត​ទូលាយបំផុត។ ពិភពលោកអាចមមាញឹក ក្នុងការនិយាយដើម និងរក្សាអាថ៌កំបាំង ប៉ុន្តែក្នុងករណីរបស់ពួកគេ វាគឺអំពីភាពស្មោះត្រង់។ ពួកគេ​គឺ​ជា​មនុស្ស​ដែល​ក្លាហាន និង​បើក​ចិត្ត​ទូលាយ ហើយនិយាយ​ត្រង់​ណាស់ នោះ​គឺ​ជា​ Virgo ​។

ពួកគេជាមនុស្សដែលអាចទុកចិត្តបាន។ ពួកគេមានទំនួលខុសត្រូវ និងយកចិត្តទុកដាក់ខ្លាំងបំផុត សម្រាប់មនុស្សដែលគេស្រលាញ់។ ជាមនុស្សដែលគិតបានល្អិតល្អន់និងធ្វើអ្វីតែងមានសណ្តាប់ធ្នាប់ជានិច្ច។

វាជាការពិត ប្រសិនបើអ្នកចង់ធ្វើអ្វីដែលត្រឹមត្រូវសូមសួរយោបល់ពី Virgo ចុះ។ មិត្តភាពគឺមិនតិចទេ ថ្វីបើពួកគេហាក់ដូចជាអៀនខ្មាស់ និងប្រើពេលយូរ នៅពេលដែលពួកគេចាប់ផ្តើមបើកចិត្ត និយាយអំពីប្រធានបទអ្វីមួយ។ ពួកគេមិនដែលបដិសេធនៅពេលដែលត្រូវការ ឬមិនជួយនរណាម្នាក់ ឬមិនផ្តល់ការណែនាំនូវអ្វីដែលត្រូវការទេ។ លើសពីនេះទៅទៀត អាថ៌កំបាំងរបស់អ្នក តែងតែមានសុវត្ថិភាពនៅក្នុងដៃពួកគេ អ្នកអាចប្រាប់អាថ៌កំបាំងដ៏ជ្រាលជ្រៅបំផុតរបស់អ្នក ទៅពួកគេ ហើយពួកគេនឹងមិនវិនិច្ឆ័យអ្នកឡើយ។

ម៉្យាវិញទៀត ពួកគេជាតារានិករ ដែលមានភាពវ័យឆ្លាត និងខិតខំតស៊ូ ប្រឹងប្រែងខ្លាំង មិនថាមានឧបសគ្គយ៉ាងណាទេ គឺថាត្រូវតែធ្វើឲ្យបាន ហើយក៏ប្រឹងប្រែងធ្វើការងារផងដែរ ។ ពួកគេមានចរិតអភិរក្សនិយម ។ ពួកគេងាយស្រួលក្នុងការធ្វើការប្រាស្រ័យទាក់ទង ហើយមានភាពស្មោះត្រង់ហើយចូលចិត្តជួយអ្នកដទៃ ដោយមិនព្រមបើកភ្នែកមើលគេវេទនាទេ។ ជាពិសេស គឺពួកគេប្រៀបដូចជាម៉ាស៊ីនដោះស្រាយមួយ ចូលចិត្តដោះស្រាយរាល់បញ្ហា និងផ្ដល់ដំបូន្មានល្អៗ ព្រោះគេមិនចង់ឃើញអ្នកនៅជុំវិញខ្លួនពិបាកចិត្តឡើយ។

អត្ថបទដោយ ៖ Yukvey