Leo ជាមនុស្សបែបណា ក្នុងភ្នែកគេឯង?

យល់ដឹង៖ មនុស្សក្នុងតារានិករ Leo មានភាពរួសរាយរាក់ទាក់ ចិត្តទូលាយ គឺជាចំនុចពិសេសជាងគេនៃអត្តចរិក ពេលខ្លះស្រឡាញ់មុខមាត់ មានភាពជឿជាក់ ចូលចិត្តខ្វល់ខ្វាយច្រើននូវអ្វីដែលអ្នកដទៃមើលមកខ្លួន ក៏ព្រោះតែបែបនេះទើបធ្វើឲ្យខ្លួនឯងមិនសូវសប្បាយចិត្ត។

ពួកគេជាមនុស្សដែល មានភាពជាអ្នកដឹកនាំ និងចូលចិត្តឲ្យដំបូន្មាន មនុស្សដែលនៅជុំវិញខ្លួន ល្អៗជានិច្ច។ ម៉្យាងវិញទៀត គេជាមនុស្សដែល ស្មោះត្រង់ និយាយត្រង់ទៅត្រង់មក មិនចេះលាក់ពុត ឃើញអ្វីគឺថានឹង ហើយជាមនុស្សដែលអ្នកអាចទុកចិត្តបានជានិច្ច។ ពួកគេគឺលេចធ្លោក្នុងសង្គម ហើយមានចិត្តសប្បុរសជាខ្លាំង មានគំនិតច្នៃប្រឌិតខ្ពស់ ចូលចិត្តធ្វើអ្វីដែលត្រឹមត្រូវគឺជាចំណុចដែលមានមន្តស្នេហ៍របស់ពួកគេ។ 

Leos មានចិត្តសប្បុរស ចិត្តល្អ និងភាពលេចធ្លោខ្លាំង។ ពួកគេតែងតែចង់នៅក្នុងការចាប់អារម្មណ៍ និងស្រលាញ់ពីមនុស្សគ្រប់គ្នា។ ធម្មជាតិលេចធ្លោរបស់ពួកគេ ធ្វើឲ្យពួកគេមានភាពទាក់ទាញ និងខុសពីអ្នកដទៃជានិច្ច។

ចំពោះរឿងស្នេហា គឺពួកគេមិនពូកែទាល់តែសោះ សំបកក្រៅដូចជាសម្បូរស្នេហ៍ តែតាមពិតក្នុងចិត្តរកស្មោះតែមួយក៏ពិបាករកដែរ៕

អត្ថបទដោយ ៖ Yukvey