កម្សាន្ត៖ រមណីដ្ឋាន កៀនស្វាយក្រៅ ជារមណីយដ្ឋានមួយដែលស្ថិតនៅក្នុងស្រុកកៀនស្វាយ ដែលល្បីល្បាញជាច្រើនឆ្នាំណាស់មកហើយ។ ហើយមកទល់ពេលបច្ចុប្បន្ននេះ ក៏នៅតែមានអ្នកទៅលេងមិនដែលខាន ជាពិសេសថ្ងៃបុណ្យ ឬថ្ងៃចុងសប្ដាហ៍។

ទីនេះ ជារមណីដ្ឋានបែបធម្មជាតិ ដែលមានផ្ទៃទឹកថ្លាឆ្វង់ មានកញ្ចុះអង្គុយលេងស្រូបយកខ្យល់ត្រជាក់ៗ និងមានម្ហូបអាហារបែបសាមញ្ញៗ លក់ជាច្រើនមុខ ហើយរសជាតិសុទ្ធតែឆ្ងាញ់មួយបែបៗម្នាក់។

គួរបន្ថែមផងដែរថា រមណីដ្ឋាន កៀនស្វាយក្រៅ មានចម្ងាយពីទីក្រុងភ្នំពេញប្រមាណ ១៩គីឡូម៉ែត្រ ដោយធ្វើដំណើរជិះតាមផ្លូវជាតិលេខ១ ដោយឆ្លងកាត់ស្ពានព្រះមុនីវង្សឆ្ពោះទៅត្រង់ រួចបត់តាមផ្លូវលំនៅខាងឆ្វេងដៃ ដែលមានក្លោងទ្វារវត្ត កៀនស្វាយក្រៅ នោះមានន័យថា អ្នកបានមកដល់គោលដៅហើយ៕  

រូបភាពពី៖ កៀនស្វាយ ស្រុកខ្ញុំ