ដើរហាត់ប្រាណមួយនាទីៗ តើរាងកាយទទួលបានអត្ថប្រយោជន៍អ្វីខ្លះ?

យល់ដឹង ៖ ការ​ដើរ​ហាក់​ដូច​ជា​វិធី​ដ៏​ត្រជាក់​មួយ​ក្នុង​ការ​ធ្វើ​លំ​ហាត់ប្រាណ​ដែល​មនុស្ស​មួយ​ចំនួន​ឆ្ងល់​ថា​ការ​ដើរ​ត្រូវ​ចំណាយ​ពេល​ប៉ុន្មាន​នាទី​ដើម្បី​ទទួល​បាន​អត្ថប្រយោជន៍​សុខភាព ឬជួយសម្រកទម្ងន់ ដូច្នេះសូមក្រឡេកមើលរាល់នាទីនៃការដើរ ដើម្បីដឹងថារាងកាយនឹងទទួលបានអ្វី ពេលណា និងរបៀបណា។

តោះមកស្វែងយល់ដូចខាងក្រោម ៖

១. ដើរហាត់ប្រាណ ១-៥ នាទី

ពីការដើរត្រឹមតែពីរទៅបីជំហានដំបូង រាងកាយជំរុញការបញ្ចេញសារធាតុគីមីដែលផលិតថាមពលនៅក្នុងកោសិកា ដើម្បីប្រើជាឥន្ធនៈសម្រាប់ការដើររបស់យើង។ ក្នុងពេលជាមួយគ្នានោះជីពចរបង្កើនល្បឿនដល់ប្រហែល ៧០-១០០ ចង្វាក់ក្នុងមួយនាទី នេះនឹងជំរុញចរន្តឈាម និងធ្វើឲ្យសាច់ដុំមានភាពកក់ក្តៅ។

លើសពីនេះ សន្លាក់រឹង និងតឹងនឹងចាប់ផ្តើមសម្រាក សន្លាក់បញ្ចេញជាតិរំអិលដោយស្វ័យប្រវត្តិដើម្បីធ្វើឲ្យចលនាកាន់តែងាយស្រួល ហើយនៅពេលដែលយើងផ្លាស់ទី រាងកាយដុត ៥កាឡូរីក្នុងមួយនាទី។ ជាលទ្ធផលរាងកាយត្រូវការឥន្ធនៈបន្ថែមទៀតសម្រាប់ថាមពលដើម្បីដើរ នៅពេលនេះ រាងកាយនឹងចាប់ផ្តើមដកកាបូអ៊ីដ្រាត និងខ្លាញ់ដែលរក្សាទុក។

២. ដើរហាត់ប្រាណ ៦-១០ នាទី

នៅពេលអ្នកចាប់ផ្តើមដើររយៈពេល ៦-១០ នាទី ជីពចររបស់អ្នកនឹងលឿន រាងកាយនឹងដុតថាមពលបន្ថែមទៀតដល់ ៦កាឡូរីក្នុងមួយនាទី ហើយជាមួយនឹងជំហានបន្ថែមទៀតសម្ពាធឈាមនឹងកើនឡើងបន្តិច។ ក្នុងអំឡុងពេលនេះ សរសៃឈាមរីកធំ ដើម្បីឲ្យអុកស៊ីសែនចូលសាច់ដុំកាន់តែច្រើន។

៣. ដើរហាត់ប្រាណ ១១-២០ នាទី

នៅនាទីទី១១ នៃការដើរ សីតុណ្ហភាពរាងកាយរបស់អ្នកបន្តកើនឡើង ការបែកញើសចាប់ផ្តើមនៅពេលដែលសរសៃឈាមនៅជិតស្បែកពង្រីក រាងកាយចាប់ផ្តើមបញ្ចេញកម្ដៅ។ ហើយនៅពេលដើរកាន់តែរឹងមាំ រាងកាយនឹងដុតរហូតដល់ ៧កាឡូរីក្នុងមួយនាទី រួមជាមួយនឹងអត្រាដកដង្ហើមនឹងកាន់តែលឿន។ ក្នុងពេលជាមួយគ្នានេះ អ័រម៉ូនដូចជា Epinephrine និង Glucagon ត្រូវបានបញ្ចេញកាន់តែច្រើន ដើម្បីបន្ថែមឥន្ធនៈដល់សាច់ដុំសកម្មរបស់អ្នក។

៤. ដើរហាត់ប្រាណ ២១-៤៥ នាទី

ចាប់ពីនាទីទី២១ នៃការដើរហាត់ប្រាណ រាងកាយនឹងមានអារម្មណ៍ស្វាហាប់ជាងមុន និងមានអារម្មណ៍ធូរស្រាលជាងមុន ដោយសារតែរាងកាយកាត់បន្ថយភាពតានតឹង នេះ​ជា​ផ្នែក​មួយ​ដោយ​សារ​សារ​ធាតុ​គីមី​ដែល​មាន​អារម្មណ៍​ល្អ​ដូច​ជា អង់ដូហ្វីន កើន​ឡើង​នៅ​ក្នុង​ខួរ​ក្បាល។ នៅពេលដែលជាតិខ្លាញ់កាន់តែច្រើនត្រូវបានដុត អាំងស៊ុយលីនដែលជួយផ្ទុកជាតិខ្លាញ់ ថយចុះ វាល្អសម្រាប់អ្នកលើសទម្ងន់ និងជំងឺទឹកនោមផ្អែម។

៥. ដើរហាត់ប្រាណ ៤៦-៦០ នាទី                                                        

នៅនាទីទី ៤៦ រហូតដល់នាទីទី ៦០ នៃការដើរ សាច់ដុំរបស់អ្នកអាចចាប់ផ្តើមអស់កម្លាំង ដោយសារបរិមាណកាបូអ៊ីដ្រាតផ្ទុកក្នុងរាងកាយរបស់អ្នកថយចុះ ហើយនៅពេលដែលរាងកាយចាប់ផ្តើមត្រជាក់ ជីពចររបស់អ្នកយឺត ហើយការដកដង្ហើមរបស់អ្នកយឺត។ អត្រាមេតាបូលីសក៏នឹងថយចុះដែរ ប៉ុន្តែវានៅតែស្ថិតក្នុងកម្រិតមេតាបូលីសខ្ពស់ជាងពេលដែលអ្នកចាប់ផ្តើមដើរ។ លើសពីនេះចំនួនកាឡូរីដែលបានដុតនឹងនៅដដែលប្រហែលមួយម៉ោង សូម្បីតែបន្ទាប់ពីអ្នកឈប់ដើរក៏ដោយ៕

ប្រភព ៖ Kapook