ក្រុមតារាប្រុស​ទាំងនេះ រៀនពី Lisa ​ក៏នៅតែត្រូវ​រំសាយ​

កម្សាន្ត ÷ IXFORM ជា​ក្រុម​តារា​ប្រុស​បដែល​បាន​បង្ហាញ​ខ្លួន​ដំបូង​ពី​កម្មវិធី​ប្រលង​របស់​ចិន «Youth With You 3» មាន​សមាជិក ៩ នាក់ ទោះជាយ៉ាងណាក៏ដោយ សមាជិកក្រុមទាំង ៩ នាក់នេះ បានបង្ហាញខ្លួនត្រឹមតែ ៣ ដងប៉ុណ្ណោះ មុនពេលការរំសាយក្រុម។

លើស​ពី​នេះ​ទៅ​ទៀត កម្រ​មាន​រូបភាព​ជាក្រុម​​​ផងដែរ បន្ទាប់ពី EP ដំបូងរបស់ពួកគេ សមាជិកទាំងអស់ស្ទើរតែមិនបានជួបគ្នា ឬធ្វើការជាមួយគ្នារហូតដល់ពួកគេរំសាយ តាមពិតទៅ ពួកគេបានបង្ហាញខ្លួនជាក្រុមត្រឹមតែ ៤ ដងប៉ុណ្ណោះ គឺនៅពេលដែលក្រុមត្រូវបានបង្កើតឡើង ពេលដែលពួកគេបានផ្សព្វផ្សាយដំបូង នៅពេលដែលពួកគេបានចេញបទដំបូង និងនៅពេលដែលពួកគេបានប្រកាសរំសាយនេះតែម្តង។

ត្រង់ចំណុចនេះ អ្នកនិយមលេងអ៊ីនធើណែតកូរ៉េ មិនអាចជួយអ្វីបានក្រៅពីបង្ហាញ ពីភាពតក់ស្លុតនោះទេ ថែមទាំងដាក់ឈ្មោះហៅក្រៅថា IXFORM ថាជាក្រុមតារាប្រុស ដែលអសកម្មបំផុតក្នុងប្រវត្តិសាស្ត្រ។

គួររំលឹកផងដែរថា កម្មវិធី «Youth With You 2» គឺបានជោគជ័យដ៏ធំធេង ហើយវគ្គបន្ទាប់គឺ «Youth With You 3» ក៏ទាក់ទាញការចាប់អារម្មណ៍យ៉ាងខ្លាំងផងដែរ ព្រោះរដូវកាលនេះក៏មានភាពរីករាយ ជាមួយនឹងការបង្ហាញខ្លួនរបស់ Lisa ជាអ្នកណែនាំក្នុងការរាំ ហើយដូច្នេះវាត្រូវបានគេទន្ទឹងរង់ចាំយ៉ាងខ្លាំង ទោះជាយ៉ាងណាក៏ដោយ ភ្លាមៗនោះ វាត្រូវបានជាប់គាំងនៅក្នុងរឿងអាស្រូវ រហូតដល់វគ្គបន្តផ្ទាល់ត្រូវបានលុបចោល ហើយក្រុមដែលឈ្នះ បានបង្ហាញខ្លួនជាលើកដំបូងក៏ស្ងាមស្ងៀម៕

ប្រភព: Kbizoom