យល់ដឹង ៖ មនុស្សជាច្រើនបានចាប់ផ្តើមទិញធុរេនដើម្បីបំពេញចំណង់របស់ពួកគេ។ ដូច្នេះអ្នកឬអត់ថា ធុរេនជាផ្លែឈើដ៏ឆ្ងាញ់ដែលមានឥទ្ធិពលក្តៅ ដូច្នេះបន្ថែមពីលើកម្ដៅដែលអាចកើតមាននៅក្នុងខ្លួន ក៏មានអាហារ ឬភេសជ្ជៈមួយចំនួនមិនគួរទទួលទានជាមួយផ្លែទុរេនដោយសារហេតុផលជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសូមណែនាំអាហារ ឬភេសជ្ជៈមួយចំនួនដែលអ្នកមិនគួរទទួលទានជាមួយផ្លែធុរេន ៖
១. ហាមញ៉ាំទុរេនជាមួយភេសជ្ជៈមានជាតិហ្គាស
ធុរេន និងភេសជ្ជៈមិនគួរញ៉ាំជាមួយគ្នាទាល់តែសោះ ព្រោះធុរេនជាផ្លែឈើដែលមានជាតិស្ករខ្ពស់ មានជាតិខ្លាញ់ខ្ពស់ ពិបាករំលាយអាហារក្រោយពេលទទួលទាន។ ម្យ៉ាងវិញទៀត សូដាផ្អែមមានជាតិស្ករ និងអាស៊ីតកាបូនិកខ្ពស់ នៅពេលដែលយកវាមកផ្សំគ្នា វាមិនត្រឹមតែធ្វើឲ្យហើមពោះប៉ុណ្ណោះទេ ប៉ុន្តែថែមទាំងធ្វើឲ្យរាងកាយរបស់អ្នកទទួលបានជាតិស្ករច្រើនជាងការចាំបាច់ផងដែរ។ លើសពីនេះបណ្តាលឲ្យមានការកើនឡើងជាតិស្ករក្នុងឈាមយ៉ាងឆាប់រហ័ស ព្រោះការប្រមូលផ្តុំជាតិស្ករនៅក្នុងខ្លួនច្រើន វាមិនអាចដុតរំលាយទាំងអស់ឡើយ ចុងក្រោយនឹងក្លាយជាខ្លាញ់ដែលងាយស្រួលបង្កឲ្យធាត់។
២. ហាមញ៉ាំធុរេន ជាមួយផ្លែមៀន
ធុរេន និងផ្លែមៀន ជាផ្លែឈើដែលមានជាតិស្ករខ្ពស់ ញ៉ាំហើយចេញឥទ្ធិពលលឿនដែលវាអាចកម្ដៅខាងក្នុងឡើងផងដែរ ដូច្នេះ យកល្អកុំញ៉ាំធុរេនជាមួយផ្លែមៀនព្រមគ្នា ជាពិសេសអ្នកជំងឺទឹកនោមផ្អែមដែលត្រូវការគ្រប់គ្រងកម្រិតជាតិស្ករក្នុងឈាមយ៉ាងតឹងរ៉ឹង។
៣. ហាមញ៉ាំធុរេនជាមួយផ្លែឈើដែលមានជាតិស្ករខ្ពស់ផ្សេងទៀត
ផ្លែឈើដែលមានជាតិស្ករខ្ពស់ដូចជា គួលេន សាវម៉ាវ ខ្នុរ ស្វាយទុំ និងធុរេន មិនគួរញ៉ាំជាមួយគ្នាទេ ព្រោះសារតែរាងកាយនឹងទទួលបានបរិមាណជាតិស្ករខ្ពស់យ៉ាងលឿន ដែលធ្វើឲ្យកម្រិតជាតិស្ករក្នុងឈាមកើនឡើងក្នុងរយៈពេលដ៏ខ្លី។ ប្រសិនបើវាមិនត្រូវបានរំលាយទេ វានឹងកកកុញ និងក្លាយជាខ្លាញ់នៅក្នុងខ្លួន ឬប្រសិនបើអ្នកមានជំងឺទឹកនោមផ្អែម អ្នកអាចនឹងសន្លប់ ងងឹតមុខភ្លាមៗ។
៤.កុំញ៉ាំធុរេនជាមួយបង្អែម
បញ្ហាគឺបរិមាណស្ករដូចធម្មតា ដូច្នេះហើយ បើចង់ញ៉ាំធុរេន គួរតែចៀសវាងរបស់ផ្អែម នំប៉័ង ភេសជ្ជៈផ្អែម នំផ្អែមជាមុនសិន ដើម្បីការពាររាងកាយកុំឲ្យមានជាតិស្ករខ្ពស់ពេក។
៥. ហាមញ៉ាំធុរេនជាមួយស្រា
ភេសជ្ជៈមានជាតិអាល់កុលដូចជា ស្រា ស្រាបៀរ មិនគួរញ៉ាំវាជាមួយធុរេនឡើយ ព្រោះស្រា និងធុរេនផ្តល់ថាមពលខ្ពស់ដែលធ្វើឲ្យដំណើរការមេតាបូលីសរបស់រាងកាយត្រូវធ្វើការកាន់តែខ្លាំង។ សីតុណ្ហភាពរាងកាយនឹងកើនឡើង បូកជាតិអាល់កុលមានឥទ្ធិពលធ្វើឲ្យរាងកាយប្រែជាខ្សោះជាតិទឹក ដែលធ្វើឲ្យរាងកាយកាន់តែក្តៅ៕
ប្រភព ៖ Kapook
Bong I.T