អីយ៉ូយអ៊េមណាស់! លេចឮថា គ្រូបង្វឹកឆ្នើមរូបនេះ យល់ព្រមមកដឹកនាំ PSG ហើយ

បារាំង៖ គ្រូបង្វឹកដ៏ល្បីឈ្មោះ លោក Zinidine Zidane ត្រូវបានគេរាយការណ៍ថា កាន់តែខិតជិតក្នុងការផ្លាស់មកដឹកនាំ Paris Saint Germain ហើយ។ 

ជាការពិតណាស់ កាលពីរដូវកាលបញ្ចប់ទៅថ្មីៗនេះ លោក Pochettino ទទួលរងនូវសម្ពាធខ្លាំងមែនទែន តាមរយៈការដឹកនាំក្លិបឈ្នះពានរង្វាន់ Ligue 1 មួយប៉ុណ្ណោះ ខណៈ គោលដៅដែលក្លិបចង់បានបំផុត នោះ គឺ Champions League ប៉ុន្តែ ផ្ទុយទៅវិញលោកដឹកនាំក្រុមធ្លាក់ត្រឹមវគ្គ១៦ក្រុមចុងក្រោយ ក្រោមថ្វីជើងរបស់ Real Madrid។ លើសពីនេះទៀតសោត ថ្មីៗនេះ ក៏មានពាក្យចចាមអារ៉ាមលេចឮផងដែរថា រូបលោកនឹងត្រូវបានក្លិបបណ្តេញចេញពីតំណែងនៅក្នុងរយៈពេលដ៏ខ្លីខាងមុខនេះផងដែរ។

ទន្ទឹមនឹងការត្រៀមចាកចេញរបស់លោក Pochettino បើយោងទៅតាមរបាយការណ៍មួយចំនួនបានលើកឡើងថា លោក Zidane កាន់តែខិតជិតក្នុងការមកដឹកនាំ PSG ហើយ ខណៈ លោក Jose Mourinho ដែលលេចឮថាអាចនឹងមកដឹកនាំក្រុមដែរនោះ គឺ មិនអាចកើតឡើងឡើយ៕

ប្រភព៖ Bleacher Report Football