ម៉ូតអាវធ្វើការក្នុងការិយាល័យរបស់តួស្រីកូរ៉េទាំងនេះ សាមញ្ញៗតែមើលទៅមិនទាស់ភ្នែក!

កម្សាន្ត៖ អាចនិយាយបានថា រឿងភាគកូរ៉េ មិនត្រឹមតែមានភាពទាក់ទាញជាមួយនឹងសាច់រឿងល្អៗ តារាសម្តែងដែលមានសមត្ថភាពខ្ពស់ និងប្រជុំដោយប្រុសស្អាត ស្រីស្អាតប៉ុណ្ណោះទេ ប៉ុន្តែថែមទាំងបង្ហាញម៉ូតសម្លៀកបំពាក់ដ៏គួរឲ្យចាប់អារម្មណ៍របស់តួអង្គសំខាន់ៗផងដែរ។

ជាមួយគ្នានេះ មហាជនមួយចំនួន មានភាពវ័យឆ្លាតណាស់ ដោយពួកគេ បានមើល​រឿង​កូរ៉េ​ដ៏ល្អមើលជាការកម្សាន្តហើយ ថែមទាំងចេះចំណាំម៉ូតសម្លៀកបំពាក់របស់តួ យកមក​រៀន​ស្លៀកពាក់​តាម​ជា​ប្រចាំ​ថ្ងៃថែមទៀតផង។

ជាពិសេស ម៉ូតសម្លៀកបំពាក់សម្រាប់នារីៗធ្វើការក្នុងការិយាល័យទាំងប៉ុន្មានខាងក្រោមនេះ មើលទៅមានភាពសាមញ្ញ ប៉ុន្តែលេចធ្លោរ និងស្រស់ស្អាតសមរម្យ មិនឆ្គងនោះឡើយ ជាការងាយស្រួលសម្រាប់នារីៗមើលហើយ អាចយកទៅស្លៀកពាក់តាមបានពេលទៅធ្វើការរៀងរាល់ថ្ងៃបាន៕

១.ជ្រើសរើសម៉ូតតាម Kim Ji Won

នៅក្នុងរឿង «My Freedom Diary» នាងចូលចិត្តរើសម៉ូតខោអាវបែបរលុងៗ មានពណ៌ឆើតឆាយដូចជា ពណ៌បៃតង ខ្មៅ ខៀវ ប្រផេះ ជាដើម។ នាងឧស្សាហ៍ពាក់អាវយឺត ជាមួយខោក្រណាត់សាមញ្ញ ដូច្នេះនាងមានសម្លៀក បំពាក់សក្តិសម និងមិនឆើតឆាយពេកទេសម្រាប់ស្លៀកទៅកន្លែងធ្វើការ។ លើសពីនេះ នាងមិនសូវពាក់គ្រឿងតុបតែងខ្លួនទេ ហើយម៉ូតសក់ក៏ធ្វើយ៉ាងសាមញ្ញបំផុត។

២.ជ្រើសរើសម៉ូតតាម Lee Sung Kyung

ក្នុងរឿង «Shooting Stars» ស្ទីល​របស់ Lee Sung Kyung មាន​ពណ៌​ស្រស់​ស្អាត និង​គួរ​ឲ្យ​ចាប់​អារម្មណ៍។ ស្ទីលរបស់ Lee Sung Kyung នាងចូលចិត្តម៉ូតអាវដែលមានរូប មានភាពស្រស់ស្រាយ និងមានផ្កា លាយចម្រុះពណ៌។ ប្រសិនបើអ្នកជានារីការិយាល័យដែលចូលចិត្តស្ទីលបែបយុវវ័យ ស្វាហាប់ និងទាក់ទាញ ពិតណាស់ស្ទីលរបស់ Lee Sung Kyung ល្អបំផុត។

៣.ជ្រើសរើសម៉ូតតាម Kim Sejeong

ក្នុងរឿង «Business Proposal» សម្លៀកបំពាក់ដែល Kim Sejeong ពាក់ភាគច្រើនមានរូបរាងស្អាត មិនភ្លឺពេក តែមើលទៅស្រស់និងច្នៃប្រឌិត បែបសាមញ្ញ តែស័ក្តិសមសម្រាប់នារីការិយាល័យទាន់សម័យ។ 

ប្រភព៖ kenh14.vn