កម្សាន្ត ÷ ជាការពិតដែលថា វិស័យ kpop ពិតជារីកលូតលាស់យ៉ាងខ្លាំងនាពេលបច្ចុប្បន្ន ដោយទទួលការគាំទ្រនៅទូទាំងពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយប្រាកដណាស់ដថា ហ្វេន kpop នីមួយៗ ពិតជាស្រលាញ់និងគាំទ្រ idol របស់ពួកគេរៀងខ្លួន ដោយលះបង់ទាំងពេលវេលា ថវិការ និងក្តីស្រលាញ់ តែតើវានឹងទៅជាយ៉ាងណានៅពេលដែលហ្វេនដែលធ្លាប់តែស្រលាញ់ ប្រែមកជាស្អប់ idol របស់ពួកគេដោយប្រការណាមួយនោះ។
ស្របគ្នានេះ ក៏មានសុភាសិតល្បីមួយឃ្លាពោលថា «ការមានអ្នកគាំទ្របែរខ្នងដាក់អ្នក គឺជាការភ័យខ្លាចជាងមានអ្នកប្រឆាំងនឹងអ្នកទៅទៀត» ដែលក្នុងករណីជាច្រើន អ្នកគាំទ្រសុខចិត្តធ្វើបាបមនុស្ស ដែលពួកគេធ្លាប់ស្រលាញ់ និងគាំទ្រ។
ខាងក្រោមនេះ ជាករណីទាំង ៤ ដែលធ្លាប់កើតឡើង ÷
១. Sulli ត្រូវបានបំផ្លាញ់ ដោយអ្នកគាំទ្រដែលធ្លាប់តែស្មោះត្រង់នឹងនាង
តារាស្រី Sulli ជាជនរងគ្រោះ នៃការបញ្ចេញមតិអាក្រក់ក្នុងអំឡុងពេលជាតារាចម្រៀងរបស់នាង Sulli ធ្លាប់មានអ្នកគាំទ្រកូរ៉េដ៏ល្បី និងស្មោះត្រង់ម្នាក់ ដែលគេស្គាល់ថា Jinnabit តែបន្ទាប់ពីចាកចេញពី Fandom Jinnabit ស្រាប់តែបែរខ្នងដាក់ Sulli ហើយសរសេររឿងអវិជ្ជមានអំពីនាងជាច្រើន។
២. Nam Tae Hyun អតីតសមាជិក WINNER ត្រូវហ្វេននិយាយថាអាក្រក់
Slytherin94 ដែលជាអ្នកគាំទ្ររបស់អតីត សមាជិក WINNER Nam Taehyun បានសម្តែងការខកចិត្តរបស់ពួកគេ ចំពោះតារាប្រុសនេះ មុនពេលបិទគេហទំព័ររបស់អ្នកគាំទ្រ ដោយនិយាយថា «ខ្ញុំពិតជាគ្មានអារម្មណ៍នៅសល់សម្រាប់ Nam Taehyun ទេ ខ្ញុំមិនអាចបន្តកែរូបភាពលោកបានទេ ព្រោះខ្ញុំមិនអាចដាក់ចិត្តដាក់ក្នុងវាបានទៀត ខ្ញុំនឹងលុបគណនីនេះចោលត្រឹមម៉ោង ២ ហើយចំពោះនារីដែលតែងតែឆ្កួត នឹងរូបភាពដែលខ្ញុំដាក់ចិត្តកែសម្រួលនោះ សូមប្រាប់តាមពិតទៅ គេមិនដែលមើលទៅទៅស្អាតដូចក្នុងរូបនោះទេ បើកភ្នែកមើលផង»។
៣. អតីតអ្នកគាំទ្រ NCT បានអំពាវនាវសមាជិកទាំងអស់អំពីសកម្មភាពរបស់ពួកគេ
សមាជិក NCT មួយចំនួន មានភាពចម្រូងចម្រាសក្នុងអំឡុងពេលការផ្សព្វផ្សាយសម្រាប់ «Universe» ក្នុងអំឡុងពេលនៃការផ្សាយបន្តផ្ទាល់របស់ក្រុមនេះ កណ្តឹងព្រមានមួយបានរលត់ នៅពេលដែលការរញ្ជួយដីកម្រិត ៤.៩ រិចទ័របានវាយប្រហារលើកោះ Jeju ហើយ Mark Doyoung Johnny បាន ប្រតិកម្មនឹងរឿងនេះដោយការច្រៀងនិងរាំបទចម្រៀងរបស់ពួកគេ ដែលមានចំណងជើងថា «Firetruck» ដែលបណ្តាលឱ្យពួកគេត្រូវបានគេរិះគន់ថាជា មិនគោរព និងល្ងង់ខ្លៅបន្តិចក្រោយមក អ្នកនិយមលេងអ៊ីនធឺណិតម្នាក់ដែលអះអាងថាជាអតីតអ្នកគាំទ្រ NCT បានបង្ហោះអំពីឧបទ្ទវហេតុកាលពីអតីតកាលពាក់ព័ន្ធនឹង NCT ដែលស្រដៀងនឹងជម្លោះរញ្ជួយដី ដើម្បីរិះគន់សមាជិកទាំងអស់ថាគ្មានការគិត។
៤. Moon Hee Jun អតីតសមាជិក HOT ត្រូវបានអ្នកគាំទ្រធ្វើពហិការ
Moon Hee Jun នៃក្រុមចម្រៀង 1st gen idol HOT ធ្លាប់ជាប់ពាក់ព័ន្ធក្នុងរឿងចម្រូងចម្រាសជាច្រើន ដែលក្នុងនោះមានជម្លោះផ្ទាល់ជាមួយអ្នកគាំទ្រ នៅពេលដែលលោកបានស្តីបន្ទោសអ្នកគាំទ្រ ហើយ Moon Hee Jun ក៏ត្រូវបានគេរកឃើញថាបានកុហកអ្នកគាំទ្រ អំពីការមានផ្ទៃពោះមុនពេលរៀបការរបស់ប្រពន្ធលោក បន្ទាប់ពីមានអ្វីកើតឡើង អ្នកគាំទ្រដែលមានអារម្មណ៍ក្បត់នឹង Moon Hae Jun ទាំងអស់បានធ្វើពហិការមិនចូលរួមជាមួយលោក ហើយគាំទ្រតែសមាជិកក្រុម HOT ដែលនៅសល់ប៉ុណ្ណោះ៕
ប្រភព: Kbizoom
Bong I.T