កម្សាន្ត ÷ ស្ថានភាពថ្មីៗ នៃគូស្នេហ៍ Jennie និង G-Dragon កំពុងក្លាយជាប្រធានបទក្តៅគគុក ហើយនៅថ្ងៃទី ២២ កម្លងទៅនេះ G-Dragon បានបង្ហោះរូបភាពនៃស្ថានភាពថ្មីៗរបស់លោកនៅលើ Instagram ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងរូបថតដែលបានផ្សព្វផ្សាយ G-Dragon កំពុងឈរនៅលើកម្រាលជើង ដែលមានស្លាកសញ្ញាយីហោផ្ទាល់ខ្លួនរបស់លោក «PeaceMinusOne» និងនៅក្នុងរូបថតមួយទៀត លោកកំពុងឈរនៅមុខកញ្ចក់ ដោយពាក់អាវយឺតពណ៌ខ្មៅ និងខោពណ៌ខ្មៅ ដែលចៃដន្យអីថ្ងៃនេះ មិត្តស្រីដែលមានពាក្យចចាមអារ៉ាមជាមួយលោក Jennie បានជាប់ពាក់ព័ន្ធនឹងពាក្យចចាមអារ៉ាមណាត់ជួបថ្មី ជាមួយ V។
គួររំលឹកផងដែរថា V និង Jennie ត្រូវបានចាប់បាននៅក្នុងពាក្យចចាមអារ៉ាមថា មានទំនាក់ទំនងស្នេហា បន្ទាប់ពីទីភ្នាក់ងារព័ត៌មានកូរ៉េបានចុះផ្សាយរូបភាពរបស់តារា K-Pop ទាំងពីរ កំពុងបើកបរជាមួយគ្នាក្នុងរថយន្តមួយ។ គេជឿថាអ្នកទាំងពីរត្រូវបានថតនៅលើកោះ Jeju របស់កូរ៉េខាងត្បូង។
ទោះជាយ៉ាងណា អ្នកដែលបានផ្សព្វផ្សារូបនេះដំបូងគេ បានលុបរូបថតនោះចេញបន្ទាប់ពីនិយាយថា វាត្រូវបានគេលួចថត ខណ:ដែល HYBE មិនបានចេញសេចក្តីថ្លែងការណ៍ណាមួយទាក់ទងនឹងបញ្ហានេះទេ៕
ប្រភព: Kbizoom
Bong I.T