ទៅរកឯណាបានប្តីបែបនេះ ខាន់ ជេមស៍ ខ្លាចប្រពន្ធមិនស្អាត សុខចិត្តទៅអង្គុយចាំប្រពន្ធ ថែសម្រស់(មានវីដេអូ)

ភ្នំពេញ៖   អាចនិយាយបានថា ចាប់តាំងពីពេលដែលតារាចម្រៀងប្រុសដ៏មានប្រជាប្រិយភាពលោក ខាន់ ជេមស៍ បើកបង្ហាញមុខឲ្យមហាជនបានស្គាល់មុខភរិយា គេតែងតែឃើញតារារូបនេះយកចិត្តទុកដាក់លើប្រពន្ធ និងចំណាយពេលនៅជាមួយប្រពន្ធស្ទើរគ្រប់ពេលទំនេរពីការងារ។

ជាងនេះទៅទៀត ពិតណាស់ គ្រប់សកម្មភាពរបស់តារារូបនេះ និងភរិយា តែងតែបង្ហាញឲ្យហ្វេនឃើញពីទំនាក់ទំទងក្នុងគ្រួសារយ៉ាងកក់ក្ដៅ និងមានសុភមង្គលជានិច្ច។ ជាក់ស្ដែង លោកតែងតែយកចិត្តទុកដាក់លើភរិយា និងតែងតែឃើញវត្តមានទាំងគូតែម្ដងរាល់ពេលបង្ហាញខ្លួនម្ដងៗ។  

ជាពិសេសជាងនេះទៅទៀត តារាប្រុសរូបនេះ បានធ្វើឲ្យអ្នកគាំទ្រជាពិសេសគឺនារីៗតែម្ដង គឺថាមានកូនចិត្តលួចច្រណែននឹងភរិយារបស់លោកមិនស្ទើរនោះទេ ដែលមានស្វាមីដ៏ល្ អចេះយល់ចិត្តមើលថែឲ្យតម្លៃបែបនេះ។ ជាក់ស្ដែង លោក ខាន់ ជេមស៍ ថែមទាំងខ្លាចភរិយាមិនស្អាត ចង់ឲ្យភរិយាក្មេងជាងវ័យ សុខចិត្តជូនភរិយាទៅទទួលសេវាកម្មថែរក្សាសម្រស់ ព្រមទាំងបានអង្គុយរង់ចាំភរិយាទាំងក្តីស្រលាញ់ ទឹកមុខញញឹមមើលទៅពិតជាមានក្តីសុខជំនួសណាស់៕

សូមទស្សនារូបភាព និងជូនវីដេអូខាងក្រោម៖