ចក្រភពអង់គ្លេស៖ លេណដ្ឋានស.ង្គ្រា.ម.ត្រជាក់មួយត្រូវដាក់លក់ក្នុងតម្លៃ១៨,០០០ផោន (ប្រមាណ២២,៤៧៩ដុល្លារអាមេរិក) ប៉ុន្តែវាមិនមានទឹក ឧស្ម័ន ឬអគ្គិសនីសម្រាប់ប្រើប្រាស់ទេ ហើយវាជាលេណដ្ឋានមួយក្នុងចំណោមលេណដ្ឋានស.ង្គ្រា.ម.ត្រជាក់១,៥០០ផ្សេងទៀត ដែលនៅសេសសល់មួយចំនួនរបស់ចក្រភពអង់គ្លេស ខណៈភាគច្រើនបានបិទនាឆ្នាំ១៩៩១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង លេណដ្ឋាននេះ មានជម្រៅ២០ហ្វីត (ប្រមាណ៦ម៉ែត្រ) ក្រោមដី និងហុំព័ទ្ធដោយបរិយាកាសបែបជនបទ។ ចំណែកបន្ទប់ទឹកវិញ ជាលក្ខណៈបន្ទប់ទឹកគីមី ហើយស្ថានភាពខាងក្នុង មានភាពក.ង្វ.ក់ និងរញ៉េរញ៉ៃជាខ្លាំង ដែលទាមទារឲ្យអ្នកទិញ ត្រូវសម្អាត ជួលជុលផ្នែកខ្លះឡើងវិញ និងអាចកែថ្នៃទៅជាកន្លែងទាក់ទាញភ្ញៀវទេសចរណ៍ផងដែរ។
យ៉ាងណាមិញ ដើម្បីការពារសុវត្ថិភាព អ្នកចង់ទិញនឹងមិនអាចចូលទៅខាងក្នុងលេណដ្ឋានបានទេ ហើយវា រួមទាំងដីជុំវិញ នឹងដាក់លក់ដេញថ្លៃ នៅថ្ងៃទី២១ ខែមិថុនា ឆ្នាំ២០២២ខាងមុខនេះ៕
ប្រភព: Daily Mail
សូមទស្សនារូបភាពខាងក្រោម៖
