ហេតុអ្វីបានជាអានសៀវភៅហើយងងុយគេង?

ចំណេះដឹង ៖ អ្នកណាអានសៀវភៅធ្វើអោយងងុយគេង លើកដៃឡើង ជាការពិតណាស់មិនមែនគ្រប់គ្នាទេ ប៉ុន្តែប្រហែលជាមានច្រើនដែរមើលទៅ អ្នកដែលអានសៀវភៅគឺងងុយគេង មនុស្សខ្លះមកពីសាលាឬធ្វើការងារច្រើនពេក យើងតាមបទពិសោធន៍ Admin ផ្ទាល់បើអានប្រលោមលោកអីមិនសូវទេ តែបើចាប់អានមេរៀនអីភ្នែកស្រទន់តែម្ដង។

អ្នកណាខ្លះជួបជាប្រចាំ ដឹងទេហេតុអ្វីបានជាអានសៀវភៅហើយងងុយគេង?

ថ្ងៃនេះយើងនឹងបានប្រមូលព័ត៌មាន និងសង្ខេបវាជាចំណុច ដូចខាងក្រោម ៖

១. ងងុយដេកស្រាប់ហើយ     

មូលហេតុដំបូងគឺ ងងុយដេកស្រាប់ហើយ ព្រោះពេលខ្លះយើងសម្រាកមិនបានគ្រប់គ្រាន់ ធ្វើឲ្យយើងងងុយគេង ប៉ុន្តែយើងត្រូវបង្ខំខ្លួនយើងឲ្យអាន ជាឧទាហរណ៍ ព្រោះយើងត្រូវអានសៀវភៅ ព្រោះថ្ងៃស្អែកត្រូវប្រឡង បើអ្នកងងុយគេងហើយ ត្រូវតែបង្ខំម្តងទៀត វាមិនចម្លែកទេដែលធ្វើឲ្យខ្ញុំងងុយគេងទៀត។

២. មាតិកា សាច់រឿងដែលមិនគួរឲ្យចាប់អារម្មណ៍

មាតិកា​ ឬសៀវភៅដែលមិនចាប់អារម្មណ៍ អាន​វា​អាច​នឹង​ធ្វើឲ្យ​យើង​មាន​អារម្មណ៍​ធុញ​ទ្រាន់ភាពអផ្សុកនេះធ្វើឲ្យខួរក្បាលមិនសូវមានកម្លាំង នោះវាធ្វើឲ្យអ្នកងងុយគេង។

៣. ភ្នែកធ្វើការធ្ងន់

ភ្នែកត្រូវផ្លាស់ទីជុំវិញពេលកំពុងអាន ហើយភ្នែកធ្វើការជាមួយនឹងខួរក្បាលដើម្បីបកស្រាយ និងដំណើរការអ្វីដែលបានអាន ពេល​ពួកវា​ទាំង​ពីរ​ខំ​ប្រឹង​ធ្វើ​ការ វា​នឹង​ធ្វើ​ឲ្យ​អស់កម្លាំង ហើយ​ធ្វើ​ឲ្យអ្នក​ចង់​សម្រាក។

៤. ពេលអានតែងតែស្ថិតក្នុងទីតាំងស្រួល

នៅពេលដែលយើងអាន យើងមានទំនោរទៅកន្លែងដែលមានផាសុកភាព ដូចជានៅលើគ្រែ លើសាឡុងដែលយើងចូលចិត្ត នៅពេលដែលរាងកាយចូលទៅក្នុងស្ថានភាពនៃការសម្រាក នៅក្នុងទីតាំងសុខស្រួល សាច់ដុំរបស់អ្នកនឹងចាប់ផ្តើមសម្រាក ហើយអ្នកនឹងមានអារម្មណ៍ងងុយគេង។

+ ដូចនេះ ធ្វើ​ម៉េច​ទើបពេលអាន​ហើយ​មិន​ងងុយ​?

រវាងការអានសៀវភៅ វិធីសាស្រ្តខាងក្រោមទាំងនេះអាចជួយអ្នកឲ្យអានសៀវភៅហើយមិនងងុយគេង ៖

-អានសៀវភៅបន្ទាប់ពីសម្រាកបានគ្រប់គ្រាន់

-អានឱ្យខ្លាំងផងដែរ

- អាននៅកន្លែងដែលមានពន្លឺល្អ

-គួរតែអង្គុយអាននៅលើកៅអី

- ផឹកទឹកពេលកំពុងអាន និងសម្រាកខ្លះៗ៕

ប្រភព ៖ Sanook