មូលហេតុដែលតារានិករនីមួយៗ គ្មានមិត្តភក្តិនឹងគេ!

យល់ដឹង៖ ការមានមិត្ត គឺជាការប្រសើរណាស់ នៅពេលដែលអ្នកត្រូវការមនុស្សម្នាក់ ដើម្បីនៅក្បែរ ឬនិយាយអ្វីក្នុងចិត្តដែលអ្នកចង់បញ្ចេញ។ មិនត្រឹមតែប៉ុណ្ណោះទេ អ្នកនឹងមានមនុស្សដែលអាច កំដរអ្នកនៅពេលដែលចង់ ចេញទៅណាម្ដងៗ។ 

ផ្ទុយទៅវិញ មិនមែនមនុស្សគ្រប់គ្នា សុទ្ធតែមានមិត្តនៅក្បែរទេ មនុស្សខ្លះមានអត្តចរិតមួយ ដែលមិនអាចឲ្យនរណានៅក្បែរបាន ទើបធ្វើឲ្យពួកគេក្លាយជាមនុស្សដែលឯកា។

ខាងក្រោមនេះនឹងនឲបង្ហាញពី មូលហេតុដែលតារានិករនីមួយៗ មិនមានមិត្តភក្តិនឹងគេ ៖

♈️ Aries (Mar 21 – Apr 19)

វាពិបាកក្នុងការនៅជាប់ជាមួយអ្នក ព្រោះអ្នកមិនចាប់អារម្មណ៍ក្នុងការទៅកន្លែង ដូចគ្នាដដែលៗរៀងរាល់ចុងសប្តាហ៍ទេ។ អ្នកចង់ឡើងភ្នំ និងមើលការប្រគុំតន្ត្រី និងលេងបាល់ទះនៅលើឆ្នេរខ្សាច់។ ជាអកុសល មិនមែនគ្រប់គ្នាសុទ្ធតែជាអ្នកផ្សងព្រេង ដូចអ្នកនោះទេ។

ដូច្នេះកុំខ្លាចធ្វើអ្វី ដែលអ្នកចង់ធ្វើតែម្នាក់ឯង។ នោះហើយជាកន្លែង ដែលអ្នកនឹងជួបមនុស្ស ដែលមានចំណាប់អារម្មណ៍ដូចគ្នា មនុស្សដែលផ្សងព្រេងដូចអ្នកដែរ។

♉️ Taurus (Apr 20 – May 20)

អ្នកមានអារម្មណ៍ថា អ្នកមិនមានមិត្តភក្ដិណាមួយទេ ព្រោះអ្នករឹងរូសពេក ក្នុងការបង្កើតមិត្តថ្មី។ អ្នកចង់រក្សាប្រវត្តិសាស្ត្រកាលពីមុន និងដើរលេងជាមួយមនុស្ស ដែលអ្នកធ្លាប់ទៅជាមួយកាលពីនៅវិទ្យាល័យ ប៉ុន្តែមនុស្សទាំងនោះសុទ្ធតែបែកគ្នា ពេលដែលធំឡើង ព្រោះមនុស្សតែងផ្លាស់ប្តូរ។ ពួកគេប្រហែលជាមិនសម នឹងជីវិតរបស់អ្នកទៀតទេ។

អ្នកត្រូវបើកចិត្តឲ្យទូលាយ ចំពោះគំនិតនៃការបង្កើតមិត្តថ្មី។ ចេញទៅក្រៅជាមួយមិត្តរួមការងារ ឲ្យបានច្រើន។ រៀបចំផែនការណាត់ជួបពីរ ឬបីដងជាមួយអ្នកជិតខាងរបស់អ្នក។ 

♊️ Gemini (May 21 – Jun 20)

អ្នកមិនពូកែផ្ញើសារតប ឬឆ្លើយអ៊ីមែលទៅនរណាម្នាក់វិញទេ។ មនុស្សដែលអ្នកដើរលេងជាមួយ មិនប្រាកដថា អ្នកចាត់ទុកពួកគេជាមិត្តរបស់អ្នក ឬអត់ឡើយ ប្រសិនបើវាជាទំនាក់ទំនងតែម្ខាង។ ហើយនោះគឺជាបញ្ហា។

អ្នកត្រូវចាំថា ត្រូវផ្ញើសារទៅវិញជានិច្ច។ ដើម្បីសួរមិត្តរបស់អ្នក ពីរបៀបដែលពួកគេកំពុងធ្វើ។ ធ្វើជាប្រភេទមិត្ត ដែលមនុស្សជាទីស្រឡាញ់របស់អ្នកពេញចិត្ត។ ប្រសិនបើអ្នកប្រព្រឹត្ត ចំពោះពួកគេបានត្រឹមត្រូវ នោះពួកគេនឹងផ្តល់ការពេញចិត្តមកវិញ។

♋️ Cancer (Jun 21 – Jul 22)

អ្នកមានអារម្មណ៍ថាអ្នក មិនមានមិត្តភក្ដិណាមួយប្រចាំនោះទេ ព្រោះអ្នកចំណាយពេលច្រើនពេក ដើម្បីបារម្ភពីមនុស្សដែលខ្លួនលង់ស្រលាញ់ បារម្ភអំពីអាជីព និងការងាររបស់អ្នក។ អ្នកមិនមានពេលទំនេរច្រើន សម្រាប់កម្សាន្តនោះទេ។

ប្រសិនបើអ្នកចង់ឲ្យវាផ្លាស់ប្តូរ អ្នកត្រូវតែកំណត់ពេលសម្រាក។ អ្នកសមនឹងទទួលបានការសម្រាកច្រើន។ អ្នកសមនឹងចេញទៅក្រៅហើយផឹកម្តងក្នុងមួយសប្តាហ៍។ សូមបន្តរំលឹកខ្លួនឯងអំពីរឿងនោះ។

♌️ Leo (Jul 23 – Aug 22)

អ្នកមានអារម្មណ៍ថាអ្នក មិនមានមិត្តភក្ដិណាមួយទេ ព្រោះប្រព័ន្ធផ្សព្វផ្សាយសង្គម កំពុងតែច្របូកច្របល់ក្នុងចិត្តរបស់អ្នក។ អ្នកតែងមើល Snapchat និងរូបថត Instagram ហើយឆ្ងល់ថា ហេតុអ្វីបានជា 'មិត្ត' របស់អ្នកមានពេលវេលាល្អបែបនេះ ដោយគ្មានអ្នក។ 

អ្នកត្រូវកំណត់ពេលប្រើទូរស័ព្ទរបស់អ្នក ហើយឈប់ឈ្លក់វង្វេងនឹងអ្វី ដែលអ្នកផ្សេងកំពុងធ្វើ។ ដោយសារមិត្តភក្តិដើរលេងជាមួយអ្នកផ្សេង មិនមែនមានន័យថាគេភ្លេចអ្នកទេ។ កុំឲ្យប្រព័ន្ធផ្សព្វផ្សាយសង្គម ធ្វើឲ្យអ្នកសង្ស័យពីមិត្តភាពរបស់អ្នក។

♍️ Virgo (Aug 23 – Sep 22)

អ្នកអាចឆាប់ឆេវឆាវ នៅពេលខ្លះ។ នៅពេលដែលនរណាម្នាក់ ចំណាយពេលយូរពេក ក្នុងការឆ្លើយសាររបស់អ្នក ឬធ្វើការបង្ហោះ Facebook ដែលប្រមាថអំពីតារាដែលអ្នកចូលចិត្ត អ្នកនឹងកាត់ពួកគេចេញពីជីវិតរបស់អ្នកភ្លាម។ 

ប៉ុន្តែអ្នកត្រូវរៀនចេះអភ័យទោស ឲ្យបានច្រើនជាងនេះបន្តិច។ អ្នកក៏មិនគួរទុកឲ្យមនុស្ស ដើរខ្សែលើអ្នក ប៉ុន្តែក៏មិនត្រូវបញ្ចប់មិត្តភាព ដោយសារអ្វីដែលមិនសមហេតុផលនោះដែរ។ ព្យាយាមរក្សាសេចក្ដីស្រលាញ់ ដែលអ្នកមានចំពោះគេ ឲ្យបានច្រើន។

♎️ Libra (Sep 23 – Oct 22)

អ្នកមានអារម្មណ៍ថា អ្នកមិនមានមិត្តភក្ដិ ព្រោះអ្នកអៀនខ្លាំង ក្នុងការទាក់ទងមនុស្ស។ អ្នករំពឹងថាមនុស្សគ្រប់គ្នា នឹងមករកអ្នកជាមួយនឹង ការអញ្ជើញក្នុងកម្មវិធីជប់លៀង និងគម្រោងអាហារពេលល្ងាច ប៉ុន្តែនោះមិនមែនជារបៀប ដែលពិភពលោកដំណើរការនោះទេ។ ជាមួយនឹងមិត្តភាពអ្នកត្រូវតែរៀនផ្តល់ឲ្យ និងទទួលយក។

អ្នកមិនអាចខ្លាចក្នុងការផ្ញើសារទៅមុនឡើយ។ ដើម្បីអញ្ជើញនរណាម្នាក់ មកផ្ទះរបស់អ្នក។ អនុញ្ញាតឲ្យអ្នកដទៃដឹងថា អ្នកពិតជាចូលចិត្តពួកគេ ហើយចង់ចំណាយពេល ជាមួយពួកគេពិតប្រាកដ។

♏️ Scorpio (Oct 23 – Nov 21)

អ្នកមានអារម្មណ៍ថា អ្នកមិនមានមិត្តពិតប្រាកដទេ ព្រោះអ្នកមានក្រុមដ៏ធំមួយ ដែលអ្នកដើរលេងជាមួយ ប៉ុន្តែគ្មានអ្នកណាស្គាល់ ពីអ្នកពិតទេ។ ពួកគេតែងឮអ្នកនិយាយរឿងកំប្លែងគ្រប់ពេល ប៉ុន្តែពួកគេមិនដែល ឮអ្នកនិយាយអំពីជីវិតឯកជនរបស់អ្នកទេ។ ពួកគេមិនដែលឮអ្នក និយាយអំពីបញ្ហាធ្ងន់ធ្ងរក្នុងជីវិតទេ។

បើអ្នកចង់ផ្លាស់ប្តូរ អ្នកគួរតែឈប់ដើរលេង ជាក្រុមធំៗបែបនេះ។ សាកល្បងជ្រើសរើសមនុស្សជាក់លាក់ ដើម្បីដើរលេងជាមួយ មួយទល់នឹងមួយ ដូច្នេះអ្នកអាចបង្កើតទំនាក់ទំនង ពិតប្រាកដជាងមុន។

♐️ Sagittarius (Nov 22 – Dec 21)

អ្នកមានអារម្មណ៍ថា អ្នកមិនមានមិត្តភក្ដិច្បាស់លាស់ទេ ព្រោះមនុស្សភាគច្រើនដែលអ្នកខ្វល់ខ្វាយ បានផ្លាស់ចេញពីទីកន្លែង ដែលក្បែរអ្នកអស់ហើយ។ ឬពួកគេជាមិត្តភក្តិតាមអ៊ីនធឺណិត ដែលរស់នៅឆ្លងប្រទេស។ ពួកគេមិននៅជុំវិញដើម្បីមកសួរសុខទុក្ខអ្នកទេ ដែលអាចធ្វើឲ្យអ្នកមានអារម្មណ៍ថា អ្នកនៅម្នាក់ឯងក្នុងពិភពលោក ទោះបីជាវានៅឆ្ងាយពីការពិតក៏ដោយ។

ប៉ុន្តែលើកក្រោយ ដែលអ្នកមានអារម្មណ៍ឯកា សូមចាំថាអ្នកអាចភ្ជាប់ទំនាក់ទំនង ជាមួយមនុស្សឆ្ងាយបានច្រើនជាងសារជាអក្សរ។ ព្យាយាមធ្វើការតេរតាមរយៈទូរស័ព្ទ ឬកាន់តែល្អជាងនេះ គួរសាកល្បងប្រើ Skype ។ វាពិតជាល្អណាស់ ដែលឃើញមិត្តរបស់អ្នកទល់មុខគ្នា។

♑️ Capricorn (Dec 22 – Jan 19)

អ្នកមានស្តង់ដារខ្ពស់ នៅពេលនិយាយអំពីមិត្តភាព ព្រោះអ្នកចូលរួមតែជាមួយ មនុស្សប្រភេទជាក់លាក់ប៉ុណ្ណោះ។ អ្នកនឹងមិនខ្ជះខ្ជាយពេលវេលារបស់អ្នក ជាមួយនឹងភាពចលាចល ដែលនាំឲ្យអ្នកធ្លាក់ចុះឡើយ។ អ្នកចង់បានតែមនុស្សឆ្លាតវៃ និងពិតប្រាកដនៅជុំវិញអ្នក ហើយពួកគេពិតជាពិបាករកណាស់។

អ្នកគ្រាន់តែត្រូវចាំថា វាមិនអីទេ ក្នុងការមានមិត្តភក្តិមួយក្រុមតូច។ មិត្តល្អបំផុតមួយ ឬពីរគឺល្អជាង អ្នកស្គាល់គ្នាជិតម្ភៃ ឬសាមសិប។

♒️ Aquarius (Jan 20 – Feb 18)

អ្នកមានអារម្មណ៍ថា អ្នកមិនមានមិត្តភក្ដិទេ ព្រោះអ្នកគ្រាន់តែខ្ជិលប៉ុណ្ណោះ។ អ្នកទទួលបានការអញ្ជើញគ្រប់ពេល ប៉ុន្តែអ្នកមិនដែលទទួលយកវាទេ ព្រោះអ្នកមិនមានអារម្មណ៍ ចង់គិតពី ការតែងខ្លួន។ ហើយនៅពេលដែលអ្នកបដិសេធ ការអញ្ជើញម្តងហើយម្តងទៀត មនុស្សគ្រប់គ្នាឈប់ព្យាយាមចូលរួមជាមួយអ្នកហើយ។

ដូច្នេះប្រសិនបើអ្នកចង់ចេញក្រៅ អ្នកត្រូវស្លៀកពាក់ និងរៀបចំគម្រោងជាមួយមនុស្សឲ្យបានច្រើន។ ពួកគេចង់ឲ្យអ្នកនៅក្បែរ ដូច្នេះត្រូវប្រាកដថា ពួកគេដឹងថាអ្នកអាចរកបាន នៅពេលដែលពួកគេត្រូវការ។

♓️ Pisces (Feb 19 – Mar 20)

អ្នកមានអារម្មណ៍ថា អ្នកមិនមានមិត្តភក្ដិទេ ព្រោះជីវិតមិនដូចគ្នា នឹងវ័យ ២០ ឆ្នាំដូចកាលនៅក្មេងទេ។ កាលនោះ អ្នកដើរលេងជាមួយមិត្តភក្តិរបស់អ្នក ច្រើនដងក្នុងមួយសប្តាហ៍។ ឥឡូវនេះ អ្នកមានសំណាង ប្រសិនបើអ្នកឃើញមនុស្សជាក់លាក់ ទោះបីជាមួយដងក្នុងរយៈពេលមួយខែក៏ដោយ។

ប៉ុន្តែអ្នកត្រូវតែរៀន ទទួលយកការពិត ដែលថាអ្នកអាចធ្វើជាមិត្តល្អ ជាមួយនរណាម្នាក់បាន ទោះបីជាអ្នកមិននៅជាមួយច្រើនសប្តាហ៍ ដោយមិនប្រាប់ក៏ដោយ។ ហើយប្រាកដថា អ្នកនៅតែមានមិត្ត ទោះបីជាពួកគេមិនតែងតែនៅក្បែរក៏ដោយ។

ប្រភព: thoughtcatalog