តើតារានិករនីមួយៗ មានសភាពបែបណា ពេលអារម្មណ៍មិនល្អ?

យល់ដឹង៖ យើងទាំងអស់គ្នា ឆ្លងកាត់ដំណាក់កាលមួយ នៅពេលដែលយើងពិតជាមានការរំខាន ហើយយើងទាំងអស់គ្នា តែងមានវិធីផ្ទាល់ខ្លួនក្នុងការដោះស្រាយវា។ យោងទៅតាមតារានិករនីមួយៗ និងបង្ហាញកាន់តែច្បាស់ នៅពេលពួកគេមានអារម្មណ៍មិនល្អ។

ខាងក្រោមនេះនឹងបង្ហាញពី សភាពរបស់តារានិករនីមួយៗ នៅពេលអារម្មណ៍មិនល្អ ៖

♈️ Aries (Mar 21 – Apr 19)

នៅពេលដែលតារានិករធាតុភ្លើង Aries ស្ថិតក្នុងអារម្មណ៍មិនល្អ អ្នកច្បាស់ជាដឹងហើយ។ 

តារានិករនេះត្រូវបានគ្រប់គ្រងដោយភព Mars ដែលជាភពនៃសកម្មភាព និងចំណង់ចំណូលចិត្តរបស់មនុស្ស ដែលមានន័យថា អារម្មណ៍មិនល្អរបស់ពួកគេ គឺក្តៅដូចបុគ្គលិកលក្ខណៈរបស់ពួកគេអញ្ចឹង។ ពួកគេងាយនឹងក្តៅក្រហាយ ផ្ទុះឡើង និងមានភាពរំជើបរំជួល (ជាពិសេសនៅពេលនិយាយ អំពីហិរញ្ញវត្ថុរបស់ពួកគេ) ដូច្នេះប្រសិនបើ ពួកគេមានអារម្មណ៍មិនល្អ អ្នកគួរចាកចេញល្អជាង បើមិនដូច្នោះទេ អ្នកប្រថុយនឹងការជាប់ក្នុងពិភពនៃភ្លើងមិនខាន។

♉️ Taurus (Apr 20 – May 20)

Taurus មានផាសុកភាពបំផុត នៅពេលដែលអារម្មណ៍របស់ពួកគេត្រូវបានរំសាយ ហើយតម្រូវការសម្ភារៈនិយមរបស់ពួកគេ នឹងត្រូវបានបំពេញចិត្ត។ ដូច្នេះនៅពេលដែលពួកគេមានអារម្មណ៍មិនល្អ ពួកគេស្វែងរកការលួងលោម និងសុវត្ថិភាពភ្លាមៗ តាមវិធីល្អបំផុតដែលពួកគេដឹង។ Taurus អាចប្រើអារម្មណ៍មិនល្អរបស់ពួកគេ ជាលេសដើម្បី "បន្ធូរអារម្មណ៍" នៅលើគ្រែរយៈពេល ៦ ម៉ោង ទិញអាហារឆ្ងាញ់ៗញ៉ាំ និងចំណាយប្រាក់យ៉ាងច្រើនលើសលុប លើស្បែកជើង ឬសម្លៀកបំពាក់ថ្មីដែលពួកគេចង់បាន។

♊️ Gemini (May 21 – Jun 20)

ជាតារានិករធាតុខ្យល់ អារម្មណ៍មិនល្អរបស់ Gemini អាចមើលទៅដូចជាព្យុះកំបុតត្បូង ដែលបក់មកភ្លាមៗ។ ពួកគេនឹងលោតចេញពីជញ្ជាំងមួយ ដោយថាមពលអវិជ្ជមានរបស់ពួកគេ។ តារានិករនេះឆាប់ទទួលអារម្មណ៍រំខាន និងធុញថប់បំផុត។ ពួកគេ​ប្រហែល​ជា​លួច​មើល​អ្នក​ ដោយ​គ្រាន់​តែ​ព្យាយាម​ និយាយ​ជាមួយ​ពួកគេ។ អ្នកអាច​ត្រលប់​មក​វិញ​បាន នៅពេល​ដែល​អារម្មណ៍​របស់​ពួកគេ​ បាន​ប្រសើរ​ឡើង។

♋️ Cancer (Jun 21 – Jul 22)

Cancer ងាយនឹងបង្កើតការ ផ្លាស់ប្តូរអារម្មណ៍។ តារានិករធាតុ​ទឹក​នេះ ​អាច​មានមនោសញ្ចេតនា និង​រីករាយ​មួយ​ភ្លែត ហើយ​ក៏ឆាប់​ខឹង និង​រំជួល​ចិត្ត​នៅ​ពេល​បន្ទាប់។ និមិត្តសញ្ញាដោយសត្វក្តាម Cancer មានទំនោរក្នុងការដកថយ ចូលទៅក្នុងសំបករបស់ពួកគេវិញនៅពេលដែលពួកគេស្ថិត ក្នុងភាពមិនសប្បាយរីករាយ។ ពួកគេទំនងជា នឹងកាត់ផ្តាច់ទំនាក់ទំនងទាំងអស់ ហើយប្រែជាស្ងាត់ស្ងៀមទុកឲ្យក្រុមគ្រួសារ និងមិត្តភក្តិឆ្ងល់ថា តើអ្វីទៅជាអារម្មណ៍របស់ពួកគេនៅពេលនេះ។ ពេលខ្លះក៏មានអារម្មណ៍សោកស្តាយ ចំពោះខ្លួនឯង នៅក្នុងភាពឯកោ បន្ទាប់មកពួកគេនឹងលេចចេញជាពន្លឺថ្ងៃ ដ៏ស្រស់បំព្រង រីករាយម្តងទៀតនៅថ្ងៃបន្ទាប់។

♌️ Leo (Jul 23 – Aug 22)

Leo ត្រូវបានគេស្គាល់ដោយសារ ភាពអស្ចារ្យរបស់ពួកគេ។ តារានិករនេះច្រើនតែជាមនុស្ស ដែលនិយាយលឺខ្លាំងបំផុត នៅក្នុងបន្ទប់ ហើយការពិតនោះមិនផ្លាស់ប្តូរនៅពេល ដែលពួកគេមានអារម្មណ៍មិនល្អ។ ប្រសិនបើអ្វីៗមិនល្អសម្រាប់ Leo ពួកគេនឹងធ្វើឲ្យប្រាកដថា មនុស្សគ្រប់គ្នាដឹង។ ថ្ងៃអាក្រក់អាចធ្វើឲ្យពួកគេ ធ្វើមិនល្អទៅកាន់មនុស្សគ្រប់រូប ដែលពួកគេបានជួបនៅឯពិធីជប់លៀង ឬបង្ហោះពាក្យប្រមាថ នៅលើប្រព័ន្ធផ្សព្វផ្សាយសង្គម ដើម្បីឲ្យគ្រប់គ្នាបានឃើញ។ ទោះយ៉ាងណាក៏ដោយ តារានិករធាតុភ្លើងនេះ នឹងបង្ហាញពីអារម្មណ៍មិនល្អរបស់ពួកគេដូចគ្នា ទៅនឹងជីវិតរបស់ពួកគេដែរ ដូចជានៅក្នុងការយកចិត្តទុកដាក់ជាដើម។

♍️ Virgo (Aug 23 – Sep 22)

Virgo ថ្ងៃល្អគឺសំខាន់ចំពោះពួកគេ។ ដូច្នេះ​អ្នក​គ្រាន់តែ​ស្រមៃ​មើល​ថា​ តើ​ពួកគេ​ទៅជា​យ៉ាងណា​នៅ​ថ្ងៃ​ដ៏​អាក្រក់។ តារានិករនេះ នឹងរិះគន់ដល់អ្វីៗគ្រប់យ៉ាង និងមនុស្សគ្រប់រូប នៅពេលអារម្មណ៍មិនល្អ រហូតដល់មនុស្សដែលជាគោលដៅរបស់ពួកគេ អាចស្រក់ទឹកភ្នែកបាន។

តារានិករធាតុដីនេះ ត្រូវបានគ្រប់គ្រងដោយភព Mercury ដែលជាភពនៃការទំនាក់ទំនង ដូច្នេះនៅពេលដែលអារម្មណ៍ របស់ពួកគេជូរចត់ អ្នកអាចភ្នាល់បានថាពាក្យរបស់ពួកគេ គឺនិយាយការពិតចេញមក ដោយមិនខ្វល់ពីអារម្មណ៍នរណាម្នាក់ឡើយ។

♎️ Libra (Sep 23 – Oct 22)

ធ្លាប់​ឮ​ពាក្ យ​«​សងសឹងដោយ​ចិត្ត​សប្បុរសទេ?» នេះគឺជាអ្វីដែល Libra ធ្វើនៅពេលដែល មិនសប្បាយចិត្តមើលទៅ។ 

ប្រាកដណាស់ វាគឺជាស្នាមញញឹម និងព្រះគុណ នៅខាងក្រៅ ប៉ុន្តែនៅខាងក្នុងពួកគេពិតជាហ៊ានណាស់។ វាត្រូវការពេលវេលាច្រើន ដើម្បីឲ្យតារានិករធាតុខ្យល់នេះ បង្កហេតុឲ្យមានការប្រឈមមុខដាក់គ្នា ប៉ុន្តែកុំឲ្យគំនិតនោះ មកបោកបញ្ឆោតអ្នកឲ្យសោះ។ តារានិករនេះ នឹងព្យាយាមរៀបចំអ្នក ឬបញ្ចុះបញ្ចូលអ្នក ឲ្យទៅរកវិធីនៃការគិតរបស់ពួកគេ ដោយប្រើភាពទាក់ទាញរបស់ពួកគេ។

♏️ Scorpio (Oct 23 – Nov 21)

ប្រសិនបើមានមនុស្សម្នាក់ ដែលអ្នកមិនចង់ជួប ពួកគេច្បាស់ជា Scorpio ដែលស្ថិតនៅក្នុងអារម្មណ៍មិនល្អ។ ហើយប្រសិនបើអ្នកជាមនុស្ស ដែលបណ្តាលឲ្យមានអារម្មណ៍បែបនេះ វាជាការល្អបំផុត ដែលអ្នកគួរចាកចេញពីពួកគេ។ 

នៅពេលដែលពួកគេមិនសប្បាយចិត្ត តារានិករនេះ ក្លាយជាមនុស្សអាថ៌កំបាំង ដ៏មិនគួរឲ្យជឿ មានភាពជាម្ចាស់កម្មសិទ្ធិ និងសងសឹកដល់កម្រិតកំពូល។ 

អ្នក​នឹង​មិន​ដឹង​ពី​អ្វី​ដែល​ពួកគេ​ កំពុង​រៀប​ចំ​ឡើយ ហើយ​និយាយ​ដោយ​ស្មោះ​ត្រង់ អ្នក​ប្រហែល​ជា​មិន​ចង់ជួបពួកគេ​ទេ។

♐️ Sagittarius (Nov 22 – Dec 21)

វាពិបាកក្នុងការស្រមៃមើលថា Sagittarius ដែលជាមនុស្សដ៏ភ្លឺស្វាង ស្ថិតនៅក្នុងអារម្មណ៍មិនល្អ។ ប៉ុន្តែនៅពេលដែលតារានិករនេះ ស្ថិតក្នុងអារម្មណ៍មិនល្អ ពួកគេចាប់ផ្តើមស្រដៀង ទៅនឹងដៃគូដ៏កាចសាហាវ របស់ពួកគេគឺ Aries ។ ពួកគេអាចប្រែជាកាច ផ្ទុះកំហឹង និងពិបាកក្នុងការកំណត់ណាស់។ នេះគឺអស្ចារ្យណាស់ ក្នុងកាលៈទេសៈធម្មតា ប៉ុន្តែនៅពេលដែលពួកគេ ស្ថិតក្នុងអារម្មណ៍មិនល្អ ពួកគេអាចបញ្ចេញនូវការពិត ដែលមិនច្បាស់លាស់មួយចំនួន ដែលគ្មាននរណាម្នាក់ត្រៀមខ្លួន ដើម្បីស្តាប់នោះទេ។ ថ្វីត្បិតតែអារម្មណ៍របស់ពួកគេ នឹងរលាយឆាប់រហ័សក៏ដោយ ប៉ុន្តែអ្វីដែលពួកគេបាននិយាយ ប្រាកដជានឹងនៅដដែល។

♑️ Capricorn (Dec 22 – Jan 19)

Capricorn មិនត្រូវបានគេស្គាល់ច្បាស់ សម្រាប់ធម្មជាតិដ៏កក់ក្តៅ និងការយកចិត្តទុកដាក់របស់ពួកគេឡើយ។ ជាមួយនឹងតារានិករនេះ ពួកគេគឺ អំពីមនុស្សដែល ខិតខំប្រឹងប្រែងបំផុត។ ដូច្នេះវាមិនមែនជារឿងចម្លែកទេ ដែលពួកគេអាចត្រជាក់ដោយធម្មជាតិ។ នៅពេលដែលពួកគេមានអារម្មណ៍មិនល្អ តារានិករនេះ អាចផ្លាស់ប្តូរ ពីត្រជាក់ទៅក្ដៅភ្លាមៗ។ ពួកគេនឹងមានភាពទុទិដ្ឋិនិយម ងងឹតងងុល និងមិនអាចអត់ឱនទោសបាន ដូច្នេះវាជាការល្អបំផុតក្នុងការជៀសវាងពួកគេ ប្រសិនបើពួកគេមានថ្ងៃមិនល្អ។

♒️ Aquarius (Jan 20 – Feb 18)

Aquarians គឺជាមនុស្សដែលចុះជាមួយសង្គម នៅពេលដែលពួកគេចង់។ នៅពេលដែលតារានិករនេះមិនមានអារម្មណ៍ល្អ ពួកគេនឹងមិនអើពើនឹងអារម្មណ៍របស់ពួកគេ ហើយផ្តាច់ខ្លួនចេញពីអ្នកគ្រប់គ្នា។ Aquarius នឹងព្យាយាមឲ្យអស់ពីសមត្ថភាព ដើម្បីដោះស្រាយអារម្មណ៍មិនល្អរបស់ពួកគេ ហើយប្រសិនបើពួកគេមិនអាចទេ ពួកគេនឹងបញ្ចេញកំហឹងភ្លាមៗ។

តារានិករនេះ នឹងមានការតានតឹង ភ័យ និងគិតច្រើន ឥតឈប់ឈរ ប្រសិនបើពួកគេមិនអាចគ្រប់គ្រង អារម្មណ៍របស់ពួកគេ។

♓️ Pisces (Feb 19 – Mar 20)

តើ​អ្នក​ធ្លាប់​មាន​អារម្មណ៍​មិន​ល្អ​ ហើយគ្រាន់​តែចង់​មាននរណា​ម្នាក់​ ​ប្រាប់​អ្នក​ថា​កុំគិតច្រើន? មែនហើយ Pisces បានទទួលយកដំបូន្មាន ហើយបច្ចុប្បន្នពួកគេកំពុងលង់ ក្នុងទឹកភ្នែករបស់ពួកគេគ្រប់ពេលវេលា។ វាមិនមែនជារឿងចម្លែកទេ ដែលតារានិករធាតុទឹកនេះ អាចប្រែជាអារម្មណ៍ល្អនៅពេលដែលពួកគេ មានអារម្មណ៍មិនល្អ។ ពួកគេ​នឹង​អាណិត​ខ្លួនឯង ហើយ​ងាក​ទៅរក​ទម្លាប់​ បំផ្លិចបំផ្លាញ​ខ្លួនឯង ដោយ​អនុញ្ញាត​ឲ្យ​រលក​យក្ស​ស៊ូណាមិ​ នៃ​ថាមពល​អវិជ្ជមាន មក​គ្រប់គ្រងមកលើ​ពួកគេតែម្ដង។

ប្រភព: womenworking